Druhi enierhabłok BiełAES znoŭ adklučać ad siłkavańnia
Druhi enierhabłok BiełAES 10 červienia budzie časova adklučany ad elektrasietki ŭ ramkach prahramy vyprabavańniaŭ, paviedamiła Minenierha.
«Z 10 červienia buduć praviedzieny daśledavańni niejtronna-fizičnych charaktarystyk aktyŭnaj zony reaktara błoka sa źnižeńniem jaho mahutnaści da minimalna kantralavanaha ŭzroŭniu z adklučeńniem ad siłkavańnia», — havorycca ŭ paviedamleńni.
Raniej ministr enierhietyki Viktar Karankievič paviedamiŭ, što druhi enierhabłok BiełAES pracuje na mahutnaści 75% ad naminalnaj u ramkach raspačataha 31 maja etapu dośledna-pramysłovaj ekspłuatacyi.
Potym anansujecca asvajeńnie mahutnaści da 100%, zatym «u kancy hetaha etapu budzie praviedziena kompleksnaje aprabavańnie abstalavańnia enierhabłoka na naminalnaj mahutnaści reaktarnaj ustanoŭki na praciahu 15 sutak i paśla paśpiachovaha vykanańnia hetych rabot błok budzie hatovy da pryjomki ŭ pramysłovuju ekspłuatacyju».
Čytajcie taksama:
Minenierha abvierhła infarmacyju pra vykidy na BiełAES
Druhi enierhabłok BiełAES całkam abiastočyli
Na BiełAES siońnia praviali vyprabavańni. Usio prajšło paśpiachova
