Znajści
Ałharytmičny łacinski varyjant
09.06.2023 / 19:3011RusŁacBieł

«A kali ŭžo i nas zabuduć, jak 1996-y ci 2010-y?»

Biełaruś zabyvaje svaich. Źnikłych, zabitych, źniavolenych i tych, što źjechali. Čas, jak viecier, daŭno vydźmuŭ bol z proźvišča «Zacharanka», vydźmie i z proźvišča «Bandarenka». Čas i šery pobyt pierahornuć staronku dla naroda. Piša Viktar Navorski.

Kvietki i ściahi na miescy hibieli Alaksandra Tarajkoŭskaha kala mietro «Puškinskaja». Žnivień 2020 hoda 

My zastaniomsia. Na radzimie i za miežami. Ale nas jak by i nie budzie. Kali zhraja «čornych lebiedziaŭ» nie śpikiruje na našu ziamlu, dyk vypuściacca školniki, dla jakich 2020-y budzie niedzie razam z 1996-m, 2010-m i hetak dalej. 

Siońniašnim vypusknikam było 13—14 hadoŭ u 2020-m. Ciapier ich cikaviać asabisty los, hrošy i kachańnie, a nie palityka. Heta narmalna. Ale nienarmalna, što ŭ miescy, dzie jany žyvuć, nie pracujuć demakratyčnyja instytuty. Heta značyć, što častka ich projdzie praz zatrymańni, katavańni i turmy, apyniecca ŭ palityčnaj emihracyi.

I ich pačnuć zabyvać. I heta koła krucicca nie pieršaje stahodździe. I imiony mnohich realna ściorlisia na starych kamianiach, a kryžy na biezymiennych mahiłach daŭno sparachnieli ŭ pył. I ŭ asnoŭnym nie ichnija naščadki vyraśli pad cieniem «pierahornutaj staronki».

Ciapier nas vielmi šmat. Sotni tysiač tych, chto moža havaryć, chto baicca i nad kim visić realnaja pahroza aryštu za «nie tyja» słovy, navat nie za dziejańni. Tysiačy tych, chto prajšoŭ praź źniavoleńnie, i tysiačy ich rodnych. Bolšaść ź ich nie chočuć być zabytymi. 

I ja čuŭ ich kryk — na ścišełych načnych minskich praśpiektach i ŭ hučnych pančach padpolnych kancertaŭ. Siarod ich byŭ i moj hołas. Ja havaryŭ im na staličnych vulicach i ŭ kamierach izalataraŭ. Ciapier ja kryču biazhučna, z tvajho ekrana — pamiataj mianie!

Ale ŭsio roŭna tak cikava — a kali ŭžo i nas zabuduć? Zmohuć takoje zabyć?

Čytajcie taksama:

«Jak vas razumieć, hienierał?» Što značyć zaklik Cierciela da kansensusu

Chadziŭ žart, što ŭ łukašystaŭ historyja pačynajecca z 1917 hoda. Vyjaviłasia, što heta nie žart

«U dyktaturach zakony — nie toje, na što źviartajuć vialikuju ŭvahu, kali dzielać uładu. I Biełaruś nie budzie słužyć vyklučeńniem u vypadku śmierci Łukašenki»

Viktar Navorski

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
9
Piton/adkazać
10.06.2023
nu kto-to rańšie poniał, kto-to pozžie.. eto ja na sčiet samich biełarusov - niet u nich ni sostradanija, ni toj priesłavutoj tollerntnosti i dobrazyčlivaści.. vsie eto mif i tak było vsiehda.. jesť prosto sieraja massa sovkovoho kołchoznoho nasielenija raźlivšajasia po krupnym horodam vo vriemiena raźvitoho socializ'ma i davšieje potomstvo takich žie sierych i biezdušnych ludiej - prosto nie mohło byť inačie..
0
Kazik/adkazać
11.06.2023
Usio niekali zabudziecca, ale tut niama čaho nyć. Ciapierašniaja situacyja daviedziena da krytyčnaj - i ŭ pieršuju čarhu siłaviki-viertuchai padbadziorać pamiać vam i vašym blizkim. Łukašenka nie taki małady, jak u 1996, i navat 2010. Rasieja chistajecca. U vorahaŭ režyma zbroja i bajavy dośvied. Źbirajcie sopli i płanujcie transfarmacyju Biełarusi, kab historyja nie zaśpieła vas śpiačymi, jak ŭ 1994-95 hodzie
1
Mojša/adkazać
13.06.2023
Nie chvalujciesia, užo zabylisia bo jak nia dziŭna ale pamiać lepš žyvie ŭ volnych hramadztvach, a ŭ tatalitarnych ludzi chavajuć usie ŭ tym liku i dumki i ŭspaminy
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera