Znajści
Ałharytmičny łacinski varyjant
10.06.2023 / 08:40RusŁacBieł

Biełarus vyjhraŭ čempijanat Vienhryi pa handbole. Pryčym staŭ hałoŭnaj zorkaj u vyrašalnym matčy

Biełaruski handbalist Mikita Vajłupaŭ u składzie «Viesprema» staŭ čempijonam Vienhryi. U finalnaj sieryi jaho kamanda pierajhrała «Pik» (31:27, lik u sieryi — 2:1).

Mikita Vajłupaŭ. Fota: pres-słužba «Viesprema»

Da pierapynku «Pik» vioŭ u liku, a ŭ pačatku druhoha tajma adarvaŭsia na čatyry miačy (16:12). «Viesprem» vyhladaŭ demaralizavanym, ale, jak akazałasia, heta ŭražańnie było zmanlivym. «Pik» niejak chutka panik, i inicyjatyva pierajšła da haściej, u šerahach jakich praciahnuŭ saliravać nastyrny Vajłupaŭ.

Mienavita biełarus zraŭniaŭ lik (17:17) i na hetym nie spyniŭsia, staŭšy ŭ vyniku najlepšym bambardziram matča z 9 hałami. Pryčym tolki adnojčy Mikita vyznačyŭsia ź pienalci.

U pieršym vienhierskim siezonie jon zavajavaŭ z «Viespremam» dva trafiei — byŭ jašče i Kubak krainy, piša sajt «Chutki centr».

Fota: pres-słužba «Viesprema»

«Viesprem» vyjhraŭ čempijanat 27-y raz u historyi.

Adznačym, što ŭ pieršy dzień poŭnamaštabnaha napadu Rasii na Ukrainu 24 lutaha 2022 hoda Mikita zaklikaŭ spynić vajnu. 

«Usie krainy adzinyja. U nas adna mova i adna ahulnaja historyja. Spynicie vajnu! Vajna — heta zaŭsiody ślozy, straty i śmierci. Bieražycie siabie! — napisaŭ tady Vajłupaŭ.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera