Pamior Kanstancin Bałandzin
Historyku i vykładčyku było 77 hadoŭ.
Fota: pres-słužba BNTU
Kanstancin Ivanavič Bałandzin, kandydat histaryčnych navuk, prafiesar kafiedry historyi biełaruskaj dziaržaŭnaści, pamior na 78-m hodzie žyćcia, paviedamlaje pres-słužba BNTU, dzie pracavaŭ prafiesar.
Kanstancin Baładzin skončyŭ Minski dziaržaŭny piedahahičny instytut u 1973 hodzie i pastupiŭ u aśpiranturu Biełaruskaha politechničnaha instytuta. Z taho času praktyčna paŭstahodździa jaho žyćcio było nieparyŭna źviazana z BNTU: aśpirant, vykładčyk, staršy vykładčyk, dacent, namieśnik sakratara partyjnaha kamiteta VNU, zahadčyk kafiedry, prarektar, namieśnik dyrektara pa vychavaŭčaj rabocie.
Z 2010 pa 2022 hod pracavaŭ na pasadzie prafiesara kafiedry historyi biełaruskaj dziaržaŭnaści. Aŭtar bolš za 125 publikacyj: manahrafij, vučebnych dapamožnikaŭ, brašur, artykułaŭ.
«Jašče adzin numar telefona zrabiŭsia niepatrebnym — na toj śviet nie dazvanicca. Byŭ čas, my davoli časta sustrakalisia. Sahrecca čajem u razmovach, a to i čym macniejšym, nie paŭlitrami, kaniečnie.
I ŭ kabiniecie hałoŭnaha korpusa Palitecha, i ŭ vučebnym korpusie na Partyzanskim praśpiekcie.
Ź im cikava było hutaryć, bo i za tytułami aficyjnymi, i za arhanizacyjaj rytualnych ideałahičnych abaviazkaŭ prahladvała biełaruskaja duša i ciaha k čystamu.
Zdarałasia, jeździli na Viciebščynu da siabroŭ źbirać hryby, pasiadzieć na bierazie voziera.
Paru miesiacaŭ tamu, mo krychu bolej, płanavali znoŭ irvanuć tudy, za Pleščanicy.
Nie skłałasia bolš. I pra śmierć Kastusia Ivanaviča daviedaŭsia paśla pachavańnia. I niama ŭ kaho spytać, dzie pachavali, bo heta toj vid siabroŭstva, kali adzin na adzin. Dačka jahonaja daŭno ŭ Narviehii, baćka vielmi hanaryŭsia, što jana tam zdoleła stać znakamitym vykładčykam movy, mienavita narviežskaj.
Pakul sami žyvyja, to i pamiać pra dobrych ludziej budzie žyć», — napisaŭ adzin ź jaho siabroŭ u fejsbuku.
«I choć i nie šyroka publična, ale časam ź ironijaj na pasiadžeńniach kafiedry, čaściej za čajavańniami abo pry sustrečach u kalidorach univiera lubiŭ vykazać paru niesałodkich słoŭ pra niekatorych pierson i pra padziei. Zadoŭha da 2020-ha.
A kali stała viadoma ab maim zvalnieńni i inšych kaleh, telefanavaŭ, zabiahaŭ na zaniatki, udakładniaŭ, spačuvaŭ, pytaŭsia, čym moh by nam dapamahčy. I toje ž samaje niekalki razoŭ užo paśla. Dy i sam ź minułaha hoda adtul pajšoŭ: jak kazaŭ, tamu što źmienienyja kursy, dy jašče pad tupym ideałahičnym kantrolem (i z rezka pavialičanymi hadzinami) vieści nie chaciełasia. Apošni raz telefanavaŭ paru miesiacaŭ tamu — i znoŭ ź niepakojem, jak my i što», — napisała jaho vučanica.
tikavaje mistiečko
v Biełahusi 3 stolicy - Minsk, Babhujsk i Pleŝienicy