Dym ad lasnych pažaraŭ u Kanadzie dajšoŭ da kantynientalnaj Jeŭropy
Pa danych CNN, za apošnija niekalki dzion kłuby dymu raspaściralisia z Kanady praz Hrenłandyju, Isłandyju i dasiahnuli Narviehii.
U Kanadzie adbyvajucca sotni lasnych pažaraŭ, u vyniku čaho dym užo nakryŭ častku terytoryi ZŠA i dajšoŭ navat da Narviehii.
Navukoŭcy z Narviežskaha instytuta daśledavańniaŭ klimatu i navakolnaha asiarodździa (NILU) zafiksavali pavieličeńnie kolkaści dymu z dapamohaj vielmi adčuvalnych pryboraŭ, a zatym paćvierdzili jaho pachodžańnie z dapamohaj prahnoznaha madelavańnia.
Daśledčyki čakajuć, što ŭ najbližejšyja dni dym raspaŭsiudzicca na značnyja terytoryi Jeŭropy, ale naŭrad ci ludzi zmohuć zaŭvažyć jaho ci adčuć pach.
Pa słovach Nikałaasa Jevanhieliu, staršaha navukovaha supracoŭnika NILU, narviežcy mohuć adčuvać pach i navat zaŭvažać dym u vyhladzie lohkaj imhły, ale heta nie niasie niehatyŭnych nastupstvaŭ dla zdaroŭja.
With over 400 active #wildfires burning across Canada, learn more about what each stage of a wildfire means. https://t.co/0bqZOoMhsq
«Pažary, jakija raspaŭsiudžvajucca z takich vialikich adlehłaściaŭ, prychodziać vielmi «razredžanymi», — skazaŭ jon u kamientary CNN.
U Kanadzie zarehistravana bolš za 400 aktyŭnych lasnych pažaraŭ u vyniku źmieny klimatu i zasuchi, tamu pavietra ŭ ZŠA i Kanadzie vielmi zabrudžanaje i patencyjna niebiaśpiečnaje.
Pa stanie na 8 červienia ŭ Kanadzie adbyłosia 2393 lasnyja pažary, jakija vypalili bolš za 4,4 miljona hiektaraŭ ziamli.
Čytajcie taksama:
Smoh u Ńju-Ërku prymusiŭ ludziej huhlić, jak chutka pradać dom
U Kanadzie niezvyčajna mocnyja lasnyja pažary. Zadymlenyja navat Ńju-Jork i Vašynhton
