Salista Rammstein Cila Lindemana čarhovy raz abvinavacili ŭ nieprystojnych pavodzinach
U apošnija tydni samaja papularnaja niamieckaja hrupa sutykajecca z abvinavačvańniami — bolšaja ich častka źviazanaja z salistam Cilem Lindemanam.
Rammstein. Fota: instahram hurta
Hetym razam publična vykazaŭsia Daniel Želinas — były kiraŭnik najbujniejšaha kanadskaha muzyčnaha fiestyvalu Festival d'été de Québec (FEQ). Jon raspavioŭ, što ŭ 2010 hodzie arhanizatary zaprasili vystupić na fiestyvali Rammstein. Apynuŭšysia ŭ Kviebieku, ludzi z kamandy muzyčnaha hurta, pa słovach Želinasa, paprasili dapamahčy im znajści «maładych dziaŭčat» dla viečarynki paśla vystupu, piša Bild.
«Jany paprasili pra heta, ale my admovilisia. My skazali, što heta tut nie pryniata», — paviedamiŭ dyrektar fiestyvalu kanadskamu vydańniu Le Journal de Québec.
Paśla taho, jak hrupie admovili, členy kamandy Rammstein vyrašyli dziejničać samastojna: arhanizatary ŭbačyli, jak jany šukajuć achvotnic pravieści čas z muzykami siarod naviedvalnic fiestyvalu.
«My nikoli nie bačyli takoha raniej. Ź inšymi artystami takoha nie zdarałasia. Supracoŭniki fiestyvalu byli aburanyja», — kaža Želinas.
Zrešty, niahledziačy na vykazanyja pretenzii, Rammstein jašče raz vystupiŭ na fiestyvali ŭ Kviebieku — u 2016 hodzie.
Pavodle źviestak krynic Bild, paśla abvinavačańnia Lindemana ŭ seksualnych damahańniach hurt Rammstein akazaŭsia na miažy raspadu. Surazmoŭcy śćviardžajuć, što, na dumku inšych udzielnikaŭ hurta, Lindeman uciahvaje ŭsich u «brudnuju historyju».
Čytajcie taksama:
Hurt Rammstein akazaŭsia na miažy raspadu
Z-za kancerta Rammstein na dva tydni začynili častku hałoŭnaha parku Vilni
U Niamieččynie pastavili pomnik salistu Rammstein, ale jaho chutka skrali
