ZŠA nie bačać pahrozy jadziernaj vajny z-za raźmiaščeńnia jadziernaj zbroi ŭ Biełarusi
Złučanyja Štaty nie bačać, kab niešta śviedčyła pra toje, što raźmiaščeńnie rasijskaj taktyčnaj jadziernaj zbroi na terytoryi Biełarusi niasie ŭ sabie ryzyku jadziernaj vajny, zajaviŭ u piatnicu kaardynatar stratehičnych kamunikacyj u Radzie nacyjanalnaj biaśpieki Biełaha doma Džon Kirbi.
Džon Kirbi. Fota: AP Photo / Manuel Balce Ceneta
«My nie bačym ničoha, što mahło b być śviedčańniem pierasoŭvańnia jadziernych uzbrajeńniaŭ abo nabližeńnia ryzyki jadziernaj vajny va Ukrainie ci na kantyniencie», — skazaŭ amierykanski čynoŭnik u intervju telekampanii CNN.
Kirbi dadaŭ, što Vašynhton taksama nie bačyć padstaŭ mianiać hatoŭnaść svaich stratehičnych sił u suviazi z paviedamleńniami ab pačatku pieramiaščeńnia taktyčnaj jadziernaj zbroi ŭ Biełaruś.
9 červienia Pucin zajaviŭ, što raźmiaščeńnie rasijskaj taktyčnaj jadziernaj zbroi ŭ Biełarusi pačniecca adrazu ž paśla taho, jak 7-8 lipienia zavieršycca padrychtoŭka nieabchodnych dla hetaha zbudavańniaŭ.
Čytajcie taksama:
Stołtenbierh: Pahadnieńnie ab raźmiaščeńni jadziernaj zbroi ŭ Biełarusi nieprymalnaje
