U Hiermanii złodziej ukraŭ u biełarusa-dalnabojnika hruz, razrezaŭšy tent fury
U niamieckaj kamunie Mierenbierh ziamli Hiesen, niepadalok ad Frankfurta, biełaruski kiroŭca hruzavika staŭ achviaraj nieviadomaha złodzieja. Pra heta piša sajt «Biełaruś i śviet» na padstavie paviedamleńnia miascovaj palicyi.
Foto: innenministerium.bayern.de
Incydent adbyŭsia ŭ noč na čaćvier 8 červienia, u pramiežak času z 01:00 da 07:00. Pakul kiroŭca spaŭ, pryparkavaŭšy furu na stajancy na vulicy Dajmlerštrase, złamyśnik prarezaŭ adtulinu ŭ tencie paŭpryčepa i vyciahnuŭ ź jaho častku hruzu.
Pavodle papiarednich źviestak, złačyncam moh być mužčyna, apranuty ŭ čornuju kurtku, sinija džynsy, šeruju biejsbołku i karyčnievyja čaraviki ź biełymi šnurkami. Palicyja prosić mahčymych śviedak padzialicca infarmacyjaj dla vyšuku i zatrymańnia pravaparušalnika.
Čytajcie taksama:
U Hiermanii biełarus zahinuŭ, vučačy dziaŭčynu płavać na voziery
