Znajści
Ałharytmičny łacinski varyjant
28.07.2023 / 14:5013RusŁacBieł

Łukašenkaŭskaja prapahanda śviatkuje vyzvaleńnie Bresta «ad vojskaŭ NATA»

Telehram-kanał BT zapościŭ siońnia dopis, u jakim paviedamiŭ pra vyzvaleńnie ŭ hety dzień, 28 lipienia 1944 hoda, Bresta i Bresckaj krepaści ad vojskaŭ NATA, jakija, na dumku prapahandystaŭ, tady nazyvalisia armijaj Hitlera. Ale nijakaj pierajemnaści pamiž imi, viadoma, nie isnuje.

Dopis u telehram-kanale dziaržaŭnaha Ahienctva televizijnych navin, u jakim paviedamlajecca ab vyzvaleńni 28 lipienia 1944 hoda ad vojsk NATA Bresta i Bresckaj krepaści.

Paśla Druhoj suśvietnaj vajny terytoryja Hiermanii znachodziłasia pad akupacyjaj ZŠA, Francyi, Vialikabrytanii i SSSR. Pieršy krok da pabudovy Paŭnočnaatłatyčnaha aljansu, sam taho nie viedajučy, zrabiŭ Saviecki Sajuz, kali ŭ 1946 hodzie prypyniŭ dastaŭku sielskahaspadarčych praduktaŭ sa svajoj zony ŭ zachodnija rehijony Hiermanii. Amierykanskaja vajennaja administracyja ŭ adkaz spyniła tranzitnyja pieravozki i dastaŭku abstalavańnia z fabryk i zavodaŭ Rurskaj vobłaści ŭ savieckuju zonu. U vyniku pačaŭ raźvivacca surjozny kryzis kiravańnia. Amierykanskaja i brytanskaja zony akupacyi byli abjadnany ŭ 1947 hodzie ŭ «Bizoniju». 

Užo 17 sakavika 1948 hoda piać zachodniejeŭrapiejskich dziaržaŭ — Bielhija, Vialikabrytanija, Luksiemburh, Niderłandy i Francyja zaklučyli tak zvany Brusielski pakt, jaki źmiaščaŭ pałažeńni ab «kalektyŭnaj samaabaronie».

Pryčynami jaho padpisańnia byŭ strach pierad vajennaj ahresij z boku vidavočna niedružalubna naładžanaha SSSR i jahonych satelitaŭ, a taksama niedapuščeńnie adradžeńnia hiermanskaha militaryzmu, jak toje adbyłosia paśla Pieršaj suśvietnaj vajny. 

Brusielski pakt pryniata ličyć pačatkam afarmleńnia Paŭnočnaatłantyčnaha aljansu. Paralelna vialisia sakretnyja pieramovy pamiž ZŠA, Kanadaj i Vialikabrytanijaj pra stvareńnie sajuza.

U hety ž čas adbyvajucca čarhovyja terytaryjalnyja pieraŭtvareńni na terytoryi akupavanaj Hiermanii. Paśla taho jak ZŠA i Vialikabrytanija pačali stvarać demakratyčnyja orhany ŭłady ŭ Bizonii, Francyja pačała atrymlivać mienš vuhalu z tamtejšaha Rurskaha basiejna, bo nie mieła prava hołasu pry raźmierkavańni pastavak. Razumiejučy jaje niezadavolenaść, ZŠA i Vialikabrytanija prapanavali stvaryć dla kiravańnia Ruram mižnarodny kantrolny orhan z udziełam Francyi, ale biez Savieckaha Sajuza. Naŭzamien Paryž pavinien byŭ pahadzicca na dałučeńnie svajoj akupacyjnaj zony da Bizonii. Prapanova była pryniataja, i 3 červienia 1948 hoda była stvorana Tryzonija.

Paśla vajny Hiermanija znachodziłasia pad akupacyjaj Sajuźnikaŭ i faktyčna nie mieła svajho ŭłasnaha vojska. Aljans NATA byŭ stvorany bieź jaje ŭdziełu. Hiermanija zmahła dałučycca da jaho, tolki kali ŭ 1954 hodzie zachodnija krainy damovilisia ab skasavańni akupacyjnaha režymu. Fota: Wikimedia Commons

Pieramovy zachodnich krain ab sistemie kalektyŭnaj biaśpieki taksama mieli plon. Pradstaŭniki dvanaccaci krain — Bielhii, Vialikabrytanii, Danii, Isłandyi, Italii, Kanady, Luksiemburha, Niderłandaŭ, Narviehii, Partuhalii, ZŠA i Francyi — padpisali 4 krasavika 1949 hoda Paŭnočnaatłantyčny Dahavor, pavodle jakoha abaviazvalisia kalektyŭna abaraniać luboha ŭdzielnika dahavora, na jakoha budzie ździejśnieny napad. 

Zachodniaja Hiermanija na toj momant, choć i była pieratvorana 7 vieraśnia 1949 hoda z Tryzonii ŭ Fiederatyŭnuju Respubliku, faktyčna nie mieła ŭłasnaj armii, zastajučysia pad kantrolem akupacyjnych sił. Tamu ni pra jakuju pramuju pierajemnaść armii Hitlera ź siłami NATA havaryć nie davodzicca. 

Akupacyjny režym u Zachodniaj Hiermanii byŭ skasavany tolki praź piać hadoŭ paśla stvareńnia NATA, u 1954 hodzie, kali byli padpisnyja pahadnieńni ŭ Paryžy. Kabiniet tahačasnaha kanclera Konrada Adenaŭera, jaki byŭ nieprymirymym praciŭnikam nacysckaha i savieckaha režymaŭ, prymie całkam novuju kancepcyju armii, jakaja nie hruntavałasia ni na spadčynie pruskaha militaryzmu, ni, tym bolš, na spadčynie Treciaha Rejcha. A ŭ Asnoŭnym zakonie FRH budzie zamacavanaja zabarona na vykarystańnie armii pa-za miežami Hiermanii.

7 červienia 1955 hoda, praz 10 hadoŭ paśla zakančeńnia vajny, byli stvorany Uzbrojenyja siły i adkryta Ministerstva abarony FRH. 9 maja Zachodniuju Hiermaniju pryniali ŭ skład NATA. U adkaz na heta Saviecki Sajuz abjadnaŭ svaich satelitaŭ u anałahičnuju pa pryncypach Arhanizacyju Varšaŭskaha dahavora, jakaja stanie ŭrešcie instrumientam nie kalektyŭnaj abarony ad źniešnich ahresaraŭ, a instrumientam siłavoha padtrymańnia savieckaha režymu va Uschodniaj Jeŭropie, što jaskrava prajavicca ŭ čas zdušeńnia «Pražskaj viasny» ŭ 1968 hodzie.

Parad viermachta pierad čaściami RSČA ŭ Breście 22 vieraśnia 1939 hoda, kali niemcy aficyjna pieradali horad Savieckamu Sajuzu. Pra niekatoryja staronki historyi dziaržaŭnyja zmahary za «histaryčnuju praŭdu» abačliva nie zhadvajuć. Fota: Wikimedia Commons

Na dadzieny momant usie byłyja zachodnija sajuźniki, jakija razam z SSSR zmahalisia suprać hitleraŭskaj Hiermanii, źjaŭlajucca členami NATA. Pry hetym novaja demakratyčnaja Hiermanija nie staić na čale aljansu i nie źjaŭlajecca samym bujnym udzielnikam Dahavora, značna sastupajučy pa kolkaści ŭzbrojenych sił takim krainam jak ZŠA i Turcyja.

Sproby ačarnić byłych sajuźnikaŭ, pry tym, što taja ž Vialikabrytanija i Francyja ŭviazalisia ŭ vajnu z mamantu napadu na Polšču, pakul SSSR u sajuzie z hitleraŭcami dzialiŭ Uschodniuju Jeŭropu i navat pravioŭ u Breście sumiesny parad ź viermachtam, vyhladajuć niedarečnymi. Jak, u pryncypie, i ŭsia biełaruskaja prapahanda. Biełaruskija ŭłady robiać z NATA ahresiŭna nastrojenaha voraha i naciahvajuć na jaho masku nacysckaj Hiermanii niezdarma — heta daŭno abkatany pryjom aŭtarytarnych režymaŭ, kab abjadnać vakoł siabie paradziełyja rady svaich prychilnikaŭ pad ściaham baraćby sa źniešnim voraham, za jakim nasamreč zaŭsiody chavajecca sproba prykryć vidavočnyja pravały ŭ ekanamičnym, palityčnym i sacyjalnym raźvićci krainy.

Pošuk vorahaŭ tam, dzie ich niama — adna z hałoŭnych stratehij vyžyvańnia aŭtarytarnych režymaŭ. 

Mienavita hety pryncyp pakładzieny ŭ asnovu śvietu ramana «1984» Džordža Orueła, dzie vydumanaja kraina Akijanija viadzie piermanientnuju vajnu ź dźviuma inšymi tatalitarnymi zvyšdziaržavami. Ale samoj vajny hieroi ramana nie bačać, i, miarkujučy pa źmieście knihi, jość vialikija sumnievy, što jana viadziecca ŭvohule, a nie źjaŭlajecca srodkam prapahandy i abhruntavańnia toj paŭsiudnaj halečy, u jakoj žyvie narod, pastajannaha skaračeńnia norm vydačy praduktaŭ dy nieabmiežavanych represij.

«Naša Niva» — bastyjon biełaruščyny

PADTRYMAĆ

Čytajcie taksama:

Marzaluk pakazaŭ «śviedčańnie złačynstvaŭ pad bieła-čyrvona-biełym ściaham». Ale heta chłuśnia — voś što na fota

Hienprakuratura Biełarusi apublikavała śpis nacysckich złačyncaŭ. Siarod ich Kol, Šroder i Šolc

U centry Minska prybrali kryž u pamiać pra zakatavanaha nacystami śviatara

F. Raŭbič

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Pakul Brytanija vajavała ,SSSR byŭ sajuźnikam Hitlera, oj))/adkazać/
29.07.2023
Dy jašče i vyzvalali amierykanskaj dy brytanskaj zbrojaj.
2/3 savieckich hruzavych mašyn byli amierykanskija, ale na usich pomnikach Kaciušy - tolki na savieckich mašynach. Fatahrafavali dla haziet taksama u asnoŭnym savieckuju techniku. 
Hańba.....
ZŠA vyrabili u 1941-1945 bolš zbroi čym SSSR dy fašysckaja Hiermanija razam! ale prapahanda pra heta maŭčyć.
Lend liz pieramoh fašyzm tady. Pieramoža i zaraz
0
v sientiabrie tak i rasskažu na urokach/adkazać/
29.07.2023
Propahanda obidiełaś, čto NATO pobiediło ich sojuźnika Hitlera, pričiem v procieśsie zastaviła ich lubimyj sovok priedať sojuźnika :))))
0
Dizajnier/adkazać/
30.07.2023
Russkije davno užie pieriekriestili ukrainciev v niemciev. Russkij jazyk biez kostiej i vyniesiet luboj bried. NATO oni tožie pieriekriestili v niemciev. Poetomu prostyje russkije sołdaty na linii fronta kohda idut v boj, hovoriat čto idut ubivať niemciev. V ich fantazii eto oni kak diłdy protiv niemciev vojuiut.

Eto časť russkoj propahandy iznačalno — na zapadie fašist.

A kartofielevody to začiem k niej primazyvajutsia? Prizyvajut siebie NATO v kačiestvie vraha na pole boja? A vystojat? Ili śbiehut? 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031