Znajści
Ałharytmičny łacinski varyjant
31.07.2023 / 23:4634RusŁacBieł

Pośpiech marafonu «Nam nie ŭsio adno!» nahadaŭ pra dylemu, pierad jakoj stajać łukašysty

Marafon pakazaŭ, što łukašysty paciarpieli fijaska ŭ svajoj sprobie padarvać davier da bazavych struktur apazicyi. Ën taksama pakazaŭ, što, vypichvajučy praciŭnikaŭ za miažu, jany ŭmacavali «emihracyjnaje apiryšča» biełaruskaj nacyi. Kamientar Redakcyi.

Ilustracyjnaje fota: «Naša Niva»

Mała chto čakaŭ, što na marafonie «Nam nie ŭsio adno!» udasca sabrać bolš za paŭmiljona jeŭra. Tym pryjemniej uśviedamlać, što heta nie niejkija mary, a samaja što ni na jość realnaść.

Marafon pakazaŭ, što łukašystam nie ŭdałosia toje, na čym jany kancentravali svaje namahańni apošni hod — sproby rassvaryć miž saboju asiarodki apazicyi i padarvać davier da jaje bazavych struktur,

takich, jak Abjadnany pierachodny kabiniet, Ofis Cichanoŭskaj i dabračynnyja fondy «Bajsoł» i «Bajchełp», choć na heta byli skiravanyja namahańni prapahandy, dziejnaść ahientury i manipulavanych joju «karysnych idyjotaŭ». Nie spracavała.

Dla praviadzieńnia marafonu abjadnalisia dziasiatki arhanizacyj, viadomych publičnych asob i ŚMI.

Vynik: 9 miljonaŭ biełarusaŭ sabrali ŭ paŭtara razu bolš, čym 150 miljonaŭ rasijan na anałahičnym marafonie miesiac tamu. Heta pry tym, što ŭ Rasii niama (pakul) ni takoj hłybini represij, ni takoj kolkaści represavanych, ni takich pakarańniaŭ za danaty, jak u Biełarusi.

I heta pry tym, što mała chto znutry krainy mieŭ mahčymaść danacić na marafonie. Sabranaje — plon mabilizacyi biełaruskaj dyjaspary.

Kali nie takija i šmatlikija biełarusy zamiežža zdolnyja na takoje, to jaki patencyjał toić biełaruskaja nacyja ŭ cełym, jak tolki jana atrymaje histaryčny šaniec?

Łukašenkaŭcy apošnija dva hady vyciskali z krainy palityčnych praciŭnikaŭ i prosta niaŭhodnych ludziej. Jak sfarmulavała ŭ 2021-m hazieta łukašenkaŭskaj administracyi: «Chaj vybirajuć: abo ŭ turmu, abo za miažu». 

Čym bolš ludziej aryštoŭvali, tym bolš inšych ludziej vybirali za lepšaje pakinuć krainu. Chvala emihracyi za dva hady skłała kala 150—200 tysiač čałaviek.

Heta ŭžo pryviało da značnych ekanamičnych nastupstvaŭ, u tym liku deficytu pracoŭnych ruk u Biełarusi. Ale, jak pakazaŭ marafon, heta taksama ŭmacavała «zahraničnaje apiryšča» biełaruskaj apazicyi i biełaruskaj nacyi.

Upieršyniu ŭ historyi biełaruskaja dyjaspara stała ŭjaŭlać saboju arhanizavanuju siłu — i instrumienty internetu, i najaŭnaść sučasnych ŚMI, i najaŭnaść adzinaha lidara, Śviatłany Cichanoŭskaj, hetamu spryjaje.

Łukašenkaŭcy mierkavali, što, vycisnuŭšy z krainy aktyŭnaje jadro, jany harantujuć, što narodny ŭzdym 2020 hoda nie paŭtorycca. Ale aryšt tysiač pravakavaŭ adjezd dziasiatkaŭ tysiač, i kožny nastupny represiŭny krok, kožny nastupny vypad biesnavatych prapahandystaŭ pryvodzić da novych adjezdaŭ. Usie nie vyjeduć: u 2020-m suprać Łukašenki hałasavała kala dźviuch tracin vybarcaŭ, a na vulicy vychodzili sotni tysiač ludziej.

Ale tyja, što vyjechali, taksama ŭjaŭlajuć saboj siłu, i nijak nie padkantrolnuju łukašystam. I čym bolš ludziej vyciskajuć, tym macniejšaje robicca «zaplečča».

U karotkaterminovaj pierśpiektyvie režym, treba dumać, adkaža na marafon niejkaj novaj podłaściu ŭ adnosinach da zakładnikaŭ, jakich jon trymaje. Adnak marafon pakazaŭ, što kožnaja podłaść vyklikaje mabilizacyju ŭ adkaz. Hramadstva ŭmieje adnaŭlać siły i hatovaje da doŭhaj honki.

Što da našych bazavych prablem, to ich, viadoma, hetyja paŭmiljona nie vyrašać.

Hrošy chiba tolki trochi dapamohuć siemjam palitźniavolenych i im samim paśla vyzvaleńnia, ale jany nie mohuć adčynić bramy turmaŭ. Apošniaje moža adbycca tolki ŭ vyniku palityčnych pieramien.

Tym nie mienš vynik marafonu natchniaje na novyja dziejańni, dziejańni, dziejańni. Tak, piśmieńnica Śviatłana Kurs užo prapanavała pravieści jašče adzin jutub-marafon — dla biełaruskich vajaroŭ i dla siamiej tych dobraachvotnikaŭ, chto zahinuŭ. Na jaje dumku, hety zbor varta prymierkavać da 8 vieraśnia — Dnia biełaruskaj vajskovaj słavy. Staniecca heta ci nie — pakaža čas. Ale ŭpeŭnienaści, što niešta my taki hurtam možam, i možam niamała, iznoŭ paboleła. I heta hałoŭny vynik.

Čytajcie taksama:

Volha Harbunova patłumačyła, što dalej z hrašyma z marafonu

«Biełarusy, ja nami hanarusia!» Śviatłana Cichanoŭskaja źviarnułasia da biełarusaŭ pa vynikach marafonu «Nam nie ŭsio adno!»

«Hrantasosy kupajucca va ŭzajemnym kryvaduššy». Capkała aplavaŭ marafon salidarnaści

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
180
Панылы сорам
13
Ха-ха
6
Ого
3
Сумна
6
Абуральна
6
2
mikola/adkazać/
01.08.2023
daviedka, ja tez inastranec....tolki grsau ni byla na toi momant...Nastupny raz-zakinu !
3
mikola/adkazać/
02.08.2023
Biełarus biełarusu, Verym...tolki pakul ni peramozam....Ludzei ni hapae !
0
Džordž matiematik/adkazać/
02.08.2023
dziejnaść ahientury i manipulavanych joju «karysnych idyjotaŭ». Nie spracavała.

jeśli by davali rasčiotnyj sčiot, a nie čieriez kartočki s ličnymi dannymi było by jeŝio bolšie. O biezopasnosti i dieńhach mało kto dumajet. Dumajut užie po faktu. Biedy.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031