Śpioka adpuścić u aŭtorak. Zastałosia tryvać dva z pałovaj dni
Sinoptyki raskazali pra nadvorje na 20—22 žniŭnia.
Fota: «Naša Niva»
U noč na niadzielu miescami, a ranicaj i dniom na bolšaj častcy krainy projduć karotkačasovyja daždžy. U asobnych rajonach prahrymiać navalnicy. Nočču +14..+20°S, maksimalnaja tempieratura dniom +27..+33°S. U Minsku +31°S.
U paniadziełak umovy nadvorja ŭ krainie budzie vyznačać frantalny raździeł, za jakim pryjdzie ŭmierana ciopłaje pavietra z Zachodniaj Jeŭropy.
Ranicaj i dniom na bolšaj častcy terytoryi krainy karotkačasovyja daždžy. U asobnych rajonach navalnicy.
Nočču +14..+20°S, maksimalnaja tempieratura dniom +23..+30°S, pa poŭdni Biełarusi — da +32°S. U Minsku budzie ŭžo nie tak horača, ale istotna — +27°S.
U aŭtorak ź Niamieččyny pryjdzie vobłaść pavyšanaha atmaśfiernaha cisku. Budzie pieravažna biez apadkaŭ, tolki nočču i ranicaj miescami na ŭschodzie krainy projduć karotkačasovyja daždžy, mahčymyja navalnicy.
Nočču +11..+18°S, maksimalnaja tempieratura dniom + 21..+28°S. U Minsku +22°S.
A miž tym, standarty žurnalistyki patrabujuć biesstaronnaści!