Učora pa krainie prajšli navalnicy. Jakoha nadvorja čakać siońnia
Videa navalnic paśla žnivieńskaj śpiakoty publikujuć biełarusy ŭ sacyjalnych sietkach. Uražvalnyja małanki pabačyli ŭ Breście i Mahilovie.
Siońnia MNS papiaredžvaje ab niespryjalnych hidramietearałahičnych umovach. U mnohich rajonach respubliki tempieratura pavietra padnimiecca da +30°S..+33°S.
Takaja tempieratura — faktar niebiaśpieki dla ludziej pry kupańni, vysokaja imaviernaść ciepłavych udaraŭ, raście kolkaść darožna-transpartnych zdareńniaŭ, taksama mahčymaje ŭźniknieńnie pryrodnych pažaraŭ, pažaraŭ u budynkach i niaštatnych situacyj na sistemach žyćciezabieśpiačeńnia i enierhietyki.
Na bolšaj častcy terytoryi krainy siońnia čakajucca karotkačasovyja daždžy. U asobnych rajonach projduć navalnicy.
Čytajcie taksama:
Śpioka adpuścić u aŭtorak. Zastałosia tryvać dva z pałovaj dni
Kamu marožanaje, a kamu i chałodny duš. Jak nasielnikaŭ Hrodzienskaha zaaparka ratujuć ad śpioki
- usiu noč byli ŭspyški. [nie hetaj. minułaj]
- jakija ŭspyški?
- nu. małanki. a hromu nie było. usiu noč. i rabiłasia śvietła, jak dniom. tata dumaŭ, što ŭžo niešta prylacieła...