Znajści
Ałharytmičny łacinski varyjant
19.09.2023 / 19:565RusŁacBieł

Sedfišynh u sacsietkach staŭ abjektam uvahi psichołahaŭ

Sedfišynh — adnosna novaja, ale ŭžo vielmi častaja źjava, jakuju nie treba niedaaceńvać. Raźbirajemsia ŭ novym fienomienie.

Ilustracyjnaje fota: Naša Niva

Termin «sedfišynh» u pačatku 2019 hoda prydumała piśmieńnica Rebieka Rejd. Ën pachodzić ad hulni słovaŭ pa apazicyi da catfishing — kali ŭ sacsietkach niechta vydaje siabie nie za taho, kim jon jość nasamreč. U anhłamoŭnych sacsietkach jaho vykarystoŭvajuć usio čaściej, kab charaktaryzavać ludziej, jakija zmahajucca za ŭvahu da siabie sprečnymi sposabami.

Suśvietnyja zorki ŭžo zaznali na sabie abvinavačvańni ŭ sedfišynhu. Naprykład, dastałasia śpievaku Džaścinu Bibieru, jaki raskazvaŭ pra ciažkaści ź psichičnym zdaroŭjem, ci madeli Kiendał Dženier: jana napisała ŭ sacsietkach pra svaju baraćbu z akne i dadała da pasta zdymki kaśmietyki, što joj dapamahła. Paźniej stała viadoma, što nasamreč post Kiendał byŭ častkaj rekłamnaj kampanii srodkaŭ ad akne.

Ale zastajecca važnaje pytańnie: jak adroźnić, ci čałavieku nasamreč treba padtrymka, ci jon prosta chajpuje? Pahladzicie na pasty nižej — chiba jość sposab vyznačyć, nakolki jany ščyryja? Na našu dumku, nie.

Šukać uvahi — całkam narmalnaja źjava, ludzi ž sacyjalnyja istoty. I kali vam treba padtrymka, vy majecie na jaje poŭnaje prava. Pryčym uvaha inšych ludziej treba kožnamu, niama takoha čałavieka, jakomu jana nie treba, jana dapamahaje nam adčuvać siabie lubimymi i adčuvać biaśpieku, jakaja patrebnaja dla ščaścia, dobraha samaadčuvańnia.

Ale ŭ vypadku z sedfišynham pošuk uvahi pieratvarajecca ŭ manipulacyju. Taki čałaviek śviadoma pierabolšvaje svaje prablemy abo ŭvohule časam prykidvajecca, što jamu niaprosta, kab usie jaho zaŭvažyli.

Daśledavańnie 2022 hoda śviedčyć, što sedfišynham čaściej zajmajucca ludzi, schilnyja da taho, što ŭ psichałohii nazyvajuć «tryvožnym stylem pryviazanaści». Heta ludzi, jakich mučyć strach adzinoty, tamu jany šukajuć ludziej, u družbie ź jakimi jany adčuvali b siabie ŭ biaśpiecy.

Zvyčajna bolšaść emacyjnych pastoŭ u sacsietkach, jakija možna paličyć za sedfišynh, naležyć padletkam abo maładym ludziam. Na dumku psichołaha Emi Moryn, sedfišynh u junym uzroście moža śviedčyć pra niedachop uvahi abo pra toje, što dzicia nie viedaje, jak vykazać svaje patreby. Taksama praz naŭmysna emacyjnyja publikacyi padletak moža vypraboŭvać navakolnych na łajalnaść da jaho, kab pabačyć, chto pažadaje jaho padtrymać.

Kali čałaviek adkryta piša pra svaje prablemy, jon akazvajecca ŭraźlivym pierad reakcyjaj inšych ludziej.

Daśledavańni pakazali, što tyja, kamu sapraŭdy była nieabchodnaja padtrymka, abo byli rasčaravanyja reakcyjaj u sacsietkach na svaje adpaviednyja pasty, abo navat adčuvali siabie horš, čym da takich publikacyj, bo ich abvinavačvali ŭ žadańni pryciahnuć da siabie ŭvahu. I reč nie tolki ŭ isnavańni internet-trolaŭ: navat parada, zroblenaja pa-dobramu, moža akazacca pamyłkovaj i naškodzić. 

Varta pamiatać, što padtrymka čaściej za ŭsio dastupnaja i ŭ realnym žyćci, a nie tolki ŭ internecie. Padtrymać vas dobrym słovam, spravaj ci paradaj mohuć i ludzi, jakija pobač z vami, i psichołahi. 

Kali vaš blizki abo siabar napisaŭ emacyjny post i šukaje padtrymki, nie śpiašajciesia abvinavačvać jaho ŭ sedfišynhu. Niama sposabu zrazumieć, čamu čałaviek apublikavaŭ heta, dziela pošuku ŭvahi ci praz sapraŭdnyja prablemy. Tamu da ŭsich takich vypadkaŭ varta stavicca surjozna i padtrymlivać čałavieka. Vy možacie prosta napisać jamu ŭ pryvat i prapanavać pahutaryć, kali heta budzie patrebna.

Kali vy adkazvajecie na emacyjnyja pasty, lepš nie abmiažoŭvacca prostym spačuvańniem. Byvaje, što treba i zapytać u čałavieka, čym vy možacie jamu dapamahčy — kali vy dapamahčy zdolnyja.

Ludzi, jakija śviadoma zajmajucca sedfišynham, musiać razumieć, što takim čynam jany škodziać zdaroŭju inšych. Pasty ź vielmi emacyjnym źmiestam, naprykład, historyi pra ciažkija chvaroby, mohuć prymusić tych, chto budzie heta čytać, adčuvać tryvohu, psichałahičny i navat fizičny stres. Časam u sacsietkach sapraŭdy možna znajści padtrymku, ale niaščyryja pasty mohuć prynieści bolš škody, čym karyści.

Niama ničoha drennaha ŭ tym, kab dzialicca ŭ internecie svaimi prablemami ci šukać uvahi. Ale varta razumieć, što matyvuje vas tak siabie pavodzić, kab nie prapuścić prablemy, jakija patrabujuć dapamohi śpiecyjalista.

Čytajcie taksama:

Biełarusy, jakija stali zorkami ŭ Rasii: što ź imi stała za čas poŭnamaštabnaj vajny?

U Breście jość svaja Barbi. Jana raśsiakaje pa horadzie na ružovym BMW F30

«Čyrvona-zialonych ściahoŭ stała bolš, ale da ich chutka pryvykaješ». Biełarusy, jakija viarnulisia z emihracyi nazad u Minsk, raskazali pra svaje adčuvańni

Viera Biełacarkoŭskaja

Chočaš padzialicca važnaj infarmacyjaj
ananimna i kanfidencyjna?

Клас
19
Панылы сорам
10
Ха-ха
8
Ого
4
Сумна
3
Абуральна
1
0
:(/adkazać/
19.09.2023
i ludzi, jakija pobač z vami, i psichołahi. 

uhu ( ale ž im usim treba zapłacić
a hrošaŭ niama (
2
Leśnik/adkazać/
20.09.2023
Božie, kakaja žie jerunda! Skučajuŝije psievdoestiety triebujut vnimanija. A armaturoj po śpinie vam nie podojdiet?
2
Kienzielanije i vietroprośvistije/adkazać/
20.09.2023
Pridumajut novoje słovo, i davaj izhalaťsia. I nie pojmieš, čieho tut bolšie: krasivosti novoho tiermina (i jeho obsasyvanija, kak v dannom słučaje u NN) ili izhalanija.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930