Sinoptyki papiaredzili pra mocnyja daždžy i viecier u čaćvier
Sinoptyki raskazali pra nadvorje na 14—16 vieraśnia.
Fota: «Naša Niva»
U čaćvier umovy nadvorja ŭ Biełarusi buduć vyznačać atmaśfiernyja franty z Zachodniaj Jeŭropy. Nočču pieravažna pa zachodniaj pałovie, ranicaj i dniom na bolšaj častcy terytoryi krainy projduć karotkačasovyja daždžy, u asobnych rajonach prahrymiać navalnicy.
Dniom miescami čakajucca mocnyja daždžy.
Viecier paŭdniovy ź pierachodam na paŭnočna-zachodni paryvisty, ranicaj i dniom u asobnych rajonach mocny paryvisty.
Nočču +9..+15°S, pa zachadzie Biełarusi da +19°S; dniom +18..+24°S, pa paŭdniovym uschodzie da +27°S.
U Minsku čakajecca +18..+20°S.
U piatnicu, 15 vieraśnia, pieravažna biez apadkaŭ, tolki nočču i ranicaj pa ŭschodzie krainy projduć karotkačasovyja daždžy, mahčymyja navalnicy. Nočču budzie ad +6°S pa zachadzie da +14°S pa paŭdniovym uschodzie krainy, maksimalnaja tempieratura dniom +16..+23°S. U Minsku +17°S.
U subotu, 16 vieraśnia, biez apadkaŭ. Nočču +2..+9°S, pa paŭdniovym uschodzie da +11°S, maksimalnaja tempieratura dniom +17..+24°S.
U Minsku čakajecca +21°S.
