Znajści
Ałharytmičny łacinski varyjant
13.09.2023 / 22:281RusŁacBieł

Stała viadoma, kolki ŭ Biełarusi budzie kaštavać novy ajfon

Uviečary 12 vieraśnia Apple prezientavała svaje ajfony novaha pakaleńnia. U ZŠA iPhone 15 budzie kaštavać ad 799 dalaraŭ, prodaž startuje 22 vieraśnia. Prapanovy ab pieradzamovie ŭžo źjavilisia i ŭ Biełarusi. Office Life daviedaŭsia, u kolki abydziecca taki hadžet dla biełarusaŭ.

Fota: Apple

Adrazu ŭ niekalkich kampanijach papiaredzili, što ceny pakul umoŭnyja i buduć mocna adroźnivacca ŭ zaležnaści ad abjomu pamiaci smartfonaŭ.

Pieradzamovu z dakładnaj canoj možna pakinuć 22 vieraśnia, a ŭžo 23-ha — zabrać hadžet. Da prykładu, iPhone Pro Max 15 z 256 HB pamiaci vytvorca anansuje pa canie ad 1199 dalaraŭ, u Biełarusi ž jon budzie kaštavać prykładna 1800 dalaraŭ u ekvivalencie.

Jak tłumačać pastaŭščyki, papiaredniaja cana, chutčej za ŭsio, budzie na 600 dalaraŭ bolšaj, čym ciapier prosiać za iPhone Pro Max 14. Apošni kaštuje minimum 3,9 tys. rubloŭ, abo kala 1200 dalaraŭ u ekvivalencie.

U cełym ža pastaŭščyki «jabłyčnaj» techniki havorać, što ŭ vieraśni-kastryčniku za novy iPhone pryjdziecca zapłacić kala 2000 dalaraŭ. Takuju canu čakajuć pa dośviedzie minułaha hoda, kali pradavali ajfony 14-ha pakaleńnia. Cana vysokaja, tamu ŭ adnoj z kramaŭ techniki ščyra pryznalisia: pieradapłaty za pieradzamovu nie biaruć.

U minułym hodzie na iPhone 14 było 80 zajavak, ale, daviedaŭšysia canu, u vyniku tolki adzinki advažylisia vykupić hadžet.

Pradaŭcy prahnazujuć, što ŭžo da listapada cana moža źnizicca prykładna na 200 dalaraŭ. Ale da Novaha hoda cana iPhone 15 budzie nie nižejšaja za 1500 dalaraŭ u ekvivalencie. Pry hetym iPhone 14 ciapier možna znajści za 800 dalaraŭ.

Čytajcie taksama:

Apple pakazała iPhone 15

Jak nadziejna vydalić fota z iPhone i iCloud — padrabiazny hajd

Apple prezientavała novyja akulary źmiašanaj realnaści. U ich abjadnajucca virtualny i realny śviety

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
2
ślepahłuchaniamaja №№ śviety/adkazać/
13.09.2023

dzie dajuć ?
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera