Znajści
Ałharytmičny łacinski varyjant
14.09.2023 / 20:435RusŁacBieł

«Rasijanin ź biełaruskaj dušoj» śpiavaje pra luboŭ da Biełarusi ź Viktoryjaj Aleška

Rasijski śpiavak Ivan Dziatłaŭ zapisaŭ razam z zasłužanaj artystkaj Biełarusi Viktoryjaj Aleška pieśniu «Nieba Biełarusi». Jany spadziajucca vykanać «Nieba Biełarusi» ŭ «Dzień narodnaha adzinstva» niekalki razoŭ na roznych placoŭkach.

Fota z sacyjalnych sietak Ivana Dziatłava i Viktoryi Aleška. Kałaž: «Naša Niva»

Apošnija dni pieśniu aktyŭna prezientujuć padčas ranišnich pieradač. Słovy i muzyku napisała maładaja aŭtarka Alena Šandabyła. Darečy, u sacyjalnych sietkach dziaŭčyny paznačanaja, što jana — «sonhrajtar dla Stasa Michajłava, Mikałaja Baskava, Žaniet, I. Dziatłava dy inš.».

Na roznych efirach Aleška dziakuje Bohu za moładź, jakaja, maŭlaŭ, tak tonka i hłyboka adčuvaje patryjatyzm i vielmi lubić radzimu.

Fota ź instahrama aŭtarki słoŭ i muzyki pieśni «Nieba Biełarusi» Aleny Šandabyła

Nieskładana zdahadacca, jaki miesiedž u pieśni «Nieba Biełarusi» — jana pabudavanaja na asnovie mifu ab mirnym niebie nad Biełaruśsiu, za jakoje prapahandysty ŭschvalajuć Łukašenku.

Skrynšot storyz u instahramie Ivana Dziatłava

— Na ideałahičnuju temu zaŭsiody vielmi składana śpiavać, jak u vas atrymlivajecca zachoŭvać lohkaść, i ŭ toj ža čas nie stracić sens? — pacikaviłasia viadučaja «Dobraj ranicy, Biełaruś!» u Viktoryi Aleška.

— Zaŭsiody lohka niešta rabić, kali ščyra i ad dušy. Ja ŭpeŭnienaja, što Vania, niahledziačy na toje, što jon z Rasii…

— Ja — rasijanin ź biełaruskaj dušoj, — pierabiŭ partniorku Dziatłaŭ. — Jość u pieśni radok, jaki ja piaju i ŭsiaredzinie niešta adhukajecca. Heta «U sercy jokaje miły kutočak».

Taksama jon raskazaŭ, što daŭno sočyć za tvorčaściu Viktoryi, a sioleta paznajomiŭsia ź joj na «Słavianskim bazary», dzie jany aboje byli ŭ składzie žury dziciačaha konkursu. Ivan prapanavaŭ zaśpiavać duetam. Całkam mahčyma, što Aleška jak vopytnaja ŭdzielnica kancertaŭ «Za Biełaruś» chutka prydumała, jakuju kampazicyju budzie lohka pradać dziaržavie.

Ivan Dziatłaŭ i Viktoryja Aleška. Skrynšot videa telekanała «Biełaruś 1»

Vyhladaje, što Ivan Dziatłaŭ — adzin z tych artystaŭ, chto zrazumieŭ, što zaraz najbolš prosty šlach da pośpiechu idzie praz patryjatyzm. Nie maje značeńnia, nakolki ty talenavity: kali ty śpiavaješ patryjatyčna, ciabie budu zaprašać na ŭsie praŭładnyja kancerty. A heta stabilnaje pastupleńnie hanararaŭ.

Niahledziačy na toje, što ŭ aficyjnaj bijahrafii śpievaka padkreślivajecca, jakich pośpiechaŭ jon dasiahnuŭ u Rasii (naprykład, jon vystupaŭ na scenach Kramloŭskaha pałaca i kancertnaj zały «Rasija»), zdajecca, u Biełarusi jaho karjera ŭsio ž składajecca bolš paśpiachova.

U 2019 hodzie Ivan zaniaŭ treciaje miesca na «Słavianskim bazary». A ŭ 2023 pieramoh u druhim siezonie muzyčnaha prajektu «Faktar.by». Śpiavak staŭ niaredkim hościem na biełaruskim telebačańni.

Skrynšot videa «Našaj ranicy» na ANT

— Ja spadziajusia, što Ivan zastajecca ŭ nas nadoŭha, a nie tolki na hetaje śviata, — skazaŭ viadoŭca «Našaj ranicy» na ANT.

— «Tak točno!» — pa-vajskovamu adreahavaŭ śpiavak.

Jon taksama dadaŭ, što historyja jaho siamji ciesna źviazana ź Biełaruśsiu. Dzied, pavodle jaho słoŭ, słužyŭ u Bresckaj krepaści, baćka vučyŭsia ŭ Minsku ŭ Vajskovaj akademii. Ivan žartuje, što ŭsich mužčyn u jahonaj siamji ciahnie da Biełarusi.

Zdajecca, popyt na «biełaruskuju dušu» rasijanina sapraŭdy jość. Dziatłaŭ i Aleška kažuć, što spadziajucca vykanać «Nieba Biełarusi» niekalki razoŭ u Dzień narodnaha adzinstva na roznych placoŭkach.

Čytajcie taksama:

«Ach, Alaksandr, lubaja ź im pojdzie ŭ ahoń i vadu». Maładaja śpiavačka pryśviaciła pieśniu Łukašenku

Usie svaje na čale ź niaviestkaj Łukašenki. U Biełarusi nazvali najlepšuju pieśniu 2022 hoda

Ad 500 da 10 tysiač dalaraŭ. Kolki pojdzie na hanarary dla artystaŭ na Dzień horada? 

Kolki hrošaj vydatkavali na kancert paśla praŭładnaha aŭtaprabiehu z udziełam Ejsmant i Baskava

Hanna Stafanovič

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
15
Ха-ха
6
Ого
1
Сумна
2
Абуральна
9
8
Adam Iosifovič /adkazać/
15.09.2023
Kožny raz ržu jak koń, kohda na niemieckom budiet hovoriť 95% nasielenija Biełarusi, to možiet i budut na nëm pieť. Pro irłandskije bałłady nie słyšali? Podavlajuŝieje bolšinstvo iz nich nie na irłandskom, v tom čiśle i tie pro vraždu s britancami. 
16.09.2023
biełaruś oni lubiat...
hrošy usataha namnoho bolej
1
piarAhienctva/adkazać/
17.09.2023
Rekłama małaadukavanych i napaŭpiśmiennych ludziej sa ščyrym sercam -- heta toje, čaho nie chapaje na staronkach Vašaj Nivy.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera