U Hrecyi na hary Afon biełaruskaha manacha źbiŭ rumynski praz bahasłoŭskuju sprečku
U adnym z manastyroŭ na śviatoj hary Afon pasvarylisia dvoje manachaŭ — rumyn i biełarus, paśla čaho pieršy źbiŭ druhoha. Ab hetym piša vydańnie «Biełaruś i mir» sa spasyłkaj na hrečaskija ŚMI.
Incydent adbyŭsia ŭ niadzielu 17 vieraśnia kala 18:30 u dvary sierbskaha manastyra Chiłandar.
Pa papiarednich danych, manachi vypili dźvie butelki vina, paśla čaho pamiž imi ŭźnik kanflikt — mierkavana, z-za sprečki ŭ pytańniach bahasłoŭja.
Udakładniajecca, što 35-hadovy rumyn biŭ 52-hadovaha biełarusa rukami i nahami, a taksama płastykavaj butelkaj.
Paciarpiełaha dastavili ŭ miedcentr, dzie akazali pieršuju dapamohu, a zatym — u balnicu.
Naš suajčyńnik zajaviŭ, što nie choča pryciahvać da adkaznaści svajho apanienta, i nie vykazaŭ žadańnia, kab paboi zafiksavaŭ sudmiedekśpiert.
Tym nie mienš, rumynskaha manacha zatrymali, jon padazrajecca ŭ naniasieńni cialesnych paškodžańniaŭ. Spravu razhledzić sud pa spravach ab niaciažkich pravaparušeńniach u Sałonikach.
