U Minzdaroŭja raspaviali pra situacyju z novym štamam karanavirusa «piroła» ŭ Biełarusi
Suśvietnaja Arhanizacyja Achovy zdaroŭja zajaviła, što ŭ śviecie vyjaŭleny novy štam karanavirusa — «piroła». Minzdaroŭja prakamientavała situacyju.
Testy na karanavirus. Fota: Jens Kalaene / picture alliance via Getty Images
Jak havorać u Minzdaroŭja, śpiecyjalisty RNPC epidemijałohii i mikrabijałohii Ministerstva achovy zdaroŭja Biełarusi pastajanna pravodziać manitorynh raspaŭsiudžvańnia hienietyčnych varyjantaŭ SARS-CoV-2, u tym liku i novych. Varyjant «piroła» na hety momant u Biełarusi nie zarehistravany.
Upieršyniu «pirołu» vyvili ŭ kancy lipienia 2023 hoda ŭ Izraili. U vieraśni 2023 hoda jaho zjaŭleńnie zarehistravali ŭžo 15 krain.
Ličycca, što štam «piroła» zjaŭlajecca bolš zaraznym u paraŭnańni z papiarednikami, bo maje najbolšuju kolkaść mutacyj u spajk-białku ŭ paraŭnańni z zychodnym varyjantam.
Ale pakul niama dokazaŭ, što hety varyjant vyklikaje bolš ciažkaje zachvorvańnie abo bolš vysoki ŭzrovień śmiarotnaści. Simptomy mała adroźnivajucca ad typovych prykmiet karanavirusnaj infiekcyi. U cełym, jak ličać ekśpierty, COVID-19 praciahvaje zastavacca pahrozaj. SAAZ zaklikała padtrymlivać baraćbu ź jaho raspaŭsiudžvańniem, u tym liku pravodzić busternuju vakcynacyju.
Čytajcie taksama:
Šeść sposabaŭ abaranić siabie ad demiencyi
Łaza daŭhalećcia. Vinahrad pierastaje być ekzatyčnaj kulturaj dla Biełarusi
Vučonyja vyśvietlili, što kureńnie elektronnych cyharet pamianšaje jaječki ŭ mužčyn
