Prankier pakazaŭ, jak trapić u luby padjezd biez kluča ad damafona
Hety łajfchak u tyktoku sabraŭ amal miljon prahladaŭ.
Skryn videa z tyktoku błohiera
Prankier zvonić u damafon u randomnuju kvateru i kaža, što heta štohadovaja pravierka damafonaŭ. Prosić čałavieka skazać «raz, dva, try», pastukać pa trubcy i nacisnuć knopku. Žychar kvatery, nie zadumvajučysia, adčyniaje dźviery ŭ dom.
Rolik sabraŭ bolš za 960 tysiač prahladaŭ.
Kamientatary žartujuć, što z takim hołasam možna nie tolki damafonnyja dźviery adčyniać. I dzielacca svaimi varyjantami: pradstavicca pryborkaj padjezdaŭ, poštaj ci vodakanałam, skazać, što zabyŭsia klučy.
U tyktoku prankiera jość i inšyja žartoŭnyja videa. Siarod papularnych, naprykład, jak jon raźličvajecca za pakupki roznymi rečami — kartaj Minska (zvyčajnaj darožnaj) i stacyjanarnym telefonam.
