Znajści
Ałharytmičny łacinski varyjant
23.09.2023 / 11:412RusŁacBieł

Sakretny šlach Finlandyi ŭ NATA

Amierykanskija i brytanskija partniory painfarmavali prezidenta Finlandyi ab budučym uvarvańni Rasii va Ukrainu amal za čatyry miesiacy da jaho pačatku. 

Prezident Finlandyi Saŭli Niiniste padčas pres-kanfierencyi z prezidentam Džo Bajdenam u prezidenckim pałacy ŭ Chielsinki, 13 lipienia 2023 h. Fota: AP Photo / Susan Walsh

Pra heta ŭ svajoj knizie «Sakretny šlach Finlandyi ŭ NATA» raspaviadaje finski žurnalist Łaŭry Nurmi (Lauri Nurmi). Internet-vydańnie Forsal.pl znajomić ź niekatorymi momantami.

Aŭtar adznačaje, što prezident Finlandyi Saŭli Niiniste (Sauli Niinistö) paviedamiŭ, što pytańnie mahčymaj rasijskaj ahresii ŭpieršyniu prahučała ŭ čas jaho sustrečy z Bajdenam na klimatyčnym samicie ŭ Hłazha ŭ listapadzie 2021 hoda. Tam ža Niiniste taksama sustreŭsia z tahačasnym hłavoj brytanskaha Ministerstva abarony Benam Uolesam (Ben Wallace), jaki vykazaŭ zakłapočanaść biaśpiekaj Finlandyi ŭ suviazi ź infarmacyjaj brytanskaj raźviedki ab «poŭnamaštabnym» uvarvańni Rasii va Ukrainu.

Aŭtar adznačaje, što, akramia listapada 2021 hoda, prezident Finlandyi razmaŭlaŭ z prezidentam ZŠA ŭ śniežni 2021 i studzieni 2022 hoda.

«Kožny raz, kali było viadoma, što ja budu razmaŭlać z Pucinym, ja taksama źviazvaŭsia z Bajdenam», — pryznaŭsia Niiniste.

18 studzienia 2022 hoda Bajden paprasiŭ Niiniste pieradać Pucinu ŭ čas ich nastupnaj razmovy, što Finlandyja dałučycca da NATA, kali Rasija napadzie na Ukrainu. Viadoma, što Pucin byŭ kateharyčna suprać pašyreńnia Paŭnočnaatłantyčnaha aljansu. Praz try dni prezident Finlandyi pazvaniŭ Pucinu, a 24 lutaha Rasija napała na Ukrainu.

Heta ahresija źmianiła pazicyju Finlandyi nakont členstva ŭ NATA. Da hetaha, pa słovach Niiniste, padčas pieramoŭ z Bajdenam pytańnie ab členstvie krainy ŭ Paŭnočnaatłantyčnym aljansie razhladałasia, ale było «adkładziena ŭbok». Važniej było atrymać paćviardžeńnie, što «dźviery NATA zastajucca adkrytymi, što b ni kazała Rasija».

27 lutaha na pasiadžeńni Kamiteta biaśpieki i zamiežnaj palityki było vyrašana, što pytańnie ab vajskovym niejtralitecie Finlandyi pavinna być pierahledžana. Praź niekalki dzion Niiniste sustreŭsia z Bajdenam u Biełym domie.

Farmalna ab rašeńni dałučycca da NATA prezident i premjer-ministr Finlandyi abjavili 18 maja 2022 hoda. A mienš jak praz hod (4 krasavika 2023 hoda) kraina była pryniataja ŭ Paŭnočnaatłantyčny aljans.

Čytajcie jašče:

Eks-premjer Finlandyi, jakaja była adnym z samych maładych lidaraŭ Jeŭropy, adychodzić z palityki

Finlandyja rychtuje pahadnieńnie z ZŠA, jakoje dazvolić raźmiaščać na jaje terytoryi amierykanskija vajennyja bazy

Finlandyja ŭ NATA: voś čamu heta źmianiaje bałans siłaŭ i vakoł Biełarusi

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
40
Панылы сорам
1
Ха-ха
1
Ого
0
Сумна
1
Абуральна
2
4
Alezis/adkazać/
23.09.2023
Zialenski taksama viedau za pou hoda ab napadzie. Dy što tam havaryć , Ukraina vajavała z 2014 , ale Zialenski addau zahad hatavacca da šašłykou, a nie uzryvać masty i miniravać miežy ź Biełaruśsiu i Kryma. Voś jak adroznivajucca kirauniki Finlandyi i Ukrainy... Adzin hatavausia da napadu i ustupić u NATA i dbaje pra svoj narod, a inšy papulict.
3
Common sense /adkazać/
24.09.2023
Bajdien niepłocho natianuł na kukan kriemlovskoho karlika
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930