Znajści
Ałharytmičny łacinski varyjant
21.09.2023 / 17:516RusŁacBieł

Pradprymalniku pryznačyli piać hadoŭ kałonii za danat 20 dalaraŭ

Minski haradski sud asudziŭ da piaci hadoŭ kałonii za «finansavańnie ekstremisckaj dziejnaści» pavodle art. 361-2 Kryminalnaha kodeksa 45-hadovaha indyvidualnaha pradprymalnika Paŭła Charytonava. Taki prysud vyniesła Žanna Brysina jašče 23 studzienia 2023 hoda, ale pra vynik suda pravaabaroncam stała viadoma tolki ciapier, piša «Viasna».

Pavieł Charytonaŭ

Jak raskazaŭ «Viaśnie» były sukamiernik Paŭła, jaho asudzili za adzin danat u pamiery 20 dalaraŭ u niejkuju inicyjatyvu, jakuju paśla pryznali «ekstremisckim farmavańniem».

Achviaravańnie na dapamohu, mierkavana, paciarpiełym ad represij było zroblena jašče ŭ 2021 hodzie, kali inicyjatyva nie była jašče pryznanaja «ekstremisckim farmavańniem». Usiaho pa spravie adbyłosia vosiem pasiadžeńniaŭ, jaje razhladali dva miesiacy — ź listapada pa studzień. 

«Usie sukamierniki, u tym liku palitźniavoleny advakat Alaksandr Danilevič, kazali Paŭłu, što jaho abvinavačańni razvalacca i jon pojdzie dadomu. Tamu što taja arhanizacyja, u jakuju jon zrabiŭ danat, nie była pryznanaja «ekstremisckim farmavańniem» na momant pieraličeńnia hrošaj», — uzhadvaje viazień SIZA.

Pad vartaj Pavieł utrymlivaŭsia ŭ SIZA na Vaładarskaha.

«Sam jon vielmi intelihientny. U SIZA zajmaŭsia sportam i dobra malavaŭ. Jon byŭ u kamiery samy mocny ŭ hulni ŭ šachmaty — u jaho vielmi raźvita intelektualnaje myśleńnie. Naohuł jon dobry i zabiaśpiečany čałaviek, jak i astatnija palitźniavolenyja. Usim dapamahaŭ — kłasny chłopiec!

Na sud jon pajšoŭ u vielmi dobrym kaściumie i skuranych łakiravanych čaravikach. My jaho adpraŭlali i kazali, što paśla suda jon pojdzie dachaty, tamu jon hruntoŭna sabraŭsia. Ale paśla pasiadžeńnia jon viarnuŭsia — my ŭsie vielmi ździvilisia. Akazałasia, što prakuror prosta na sudzie paprasiŭ pierakvalifikavać jaho artykuł.

Pavieł, kaniešnie, vielmi mocna zasmuciŭsia, tamu što ŭ jaho doma dzieci… Jon daznavaŭsia ŭ SIZA, kolki za danaty dajuć. Adnamu, chto skinuŭ 30 dalaraŭ, pryznačyli šeść hadoŭ kałonii. Pavieł tady śmiajaŭsia i kazaŭ, što dobra, što 50 dalaraŭ nie zadanaciŭ, bo byli takija dumki». 

28 krasavika Viarchoŭny sud pakinuŭ prysud Paŭła ŭ piać hadoŭ kałonii ŭ sile. Palitviaźnia etapavali ŭ kałoniju. Jahonaje aktualnaje miescaznachodžańnie vyśviatlajecca.

Čytajcie taksama:

«Heta moj adkaz hetamu ŭsiamu». Biełaruska ŭ kałonii navučyłasia pracavać na redkaj šviejnaj mašyncy, a ciapier šyje na takoj nataŭskija bałakłavy

Žurnalista Siarhieja Hardzijeviča, zatrymanaha pry viartańni z Polščy, aryštavali na 15 sutak 

Na miažy zatrymali pradprymalnika, jaki viartaŭsia z Polščy

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
4
Панылы сорам
1
Ха-ха
1
Ого
0
Сумна
7
Абуральна
92
2
Nie lublu nievierojatnych/adkazać/
21.09.2023
Cyrkač,zadaŭbała zapisvać.

Ja šče nie zabyŭsia mienta i sudździu jakija mianie sudzili i za patły 20 hadoŭ tamu ciahali. 
0
Hamon/adkazać/
22.09.2023
Suka, piać hod za 20 baksaŭ - heta hamon!!!! Pena ŭ Iranie takoha niama. Heta hamon!
1
Maksim Dizajnier/adkazać/
22.09.2023
"...Jak i astatnija palitźniavolenyja". Oj, nie p...ie
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031