Azierbajdžan nazvaŭ, kolki rasijskich miratvorcaŭ zahinuła ŭ Nahornym Karabachu
Hienprakuratura Azierbajdžana zajaviła ab hibieli 6 rasijskich «miratvorcaŭ» padčas tak zvanych «antyterarystyčnych mierapryjemstvaŭ» u Nahornym Karabachu 20 vieraśnia.
Rasijskija miratvorcy achoŭvajuć łahier pad Ściepanakiertam u Nahornym Karabachu. Tysiačy žycharoŭ Nahornaha Karabachu ściakalisia ŭ łahier, jakim kiravali rasijskija miratvorcy, kab paźbiehnuć bajavych dziejańniaŭ. Fota: Russian Defense Ministry Press Service via AP
«20 vieraśnia hrupaj vajskoŭcaŭ Uzbrojenych Sił Azierbajdžanskaj Respubliki, jakija ŭdzielničali ŭ łakalnych antyterarystyčnych mierapryjemstvach na terytoryi vioski Džaniatah Terterskaha rajona Azierbajdžana, z ahniastrelnaj zbroi byŭ abstralany aŭtamabil z dysłakavanymi na hetaj terytoryi vajskoŭcami RMK», — paviedamiła Hienprakuratura Azierbajdžanskaj Respubliki ŭ fejsbuku.
Zhodna z paviedamleńniem, mašynu rasijskich miratvorcaŭ «z pryčyny składanaha reljefu miascovaści i tumanna-daždžlivych umoŭ nadvorja» pamyłkova pryniali za aŭtamabil «niezakonnych armianskich uzbrojenych farmavańniaŭ». Zahinuli 5 rasijan.
Akramia taho, u toj ža dzień, pavodle taho ž paviedamleńnia, u hetym ža nasielenym punkcie «nieŭstanoŭlenyja siabry armianskich uzbrojenych farmavańniaŭ» abstralali aŭtamabil «Kamaz» rasijskich miratvorcaŭ. Zahinuŭ rasijski vajskoviec i adzin atrymaŭ ranieńni.
Paviedamlajecca, što pa abodvuch faktach uzbudžany kryminalnyja spravy.
Učora stała viadoma, što padčas abstrełu miratvorcaŭ RF u Nahornym Karabachu 20 vieraśnia zahinuŭ namieśnik kamandzira rasijskaha kantynhientu, kapitan 1-ha ranhu Ivan Koŭhan i jašče niekalki vajskoŭcaŭ.
Prezident Azierbajdžana Ilcham Alijeŭ prynios prabačeńni prezidentu RF Uładzimiru Pucinu za ich hibiel i paabiacaŭ rasśledavańnie.
Čytajcie taksama:
Biełaruska raskazała, što adbyvajecca ŭ Jerevanie paśla kapitulacyi Nahornaha Karabacha
Što takoje Nahorny Karabach i što armianie z azierbajdžancami tam dzielać
