Braniatechnika USU prarvała hałoŭnuju liniju rasijskaj abarony pad Rabocinam — miedyja
USU zmahli pieraadoleć supraćtankavyja pieraškody. Prałom u rasijskaj abaronie pakul nievialiki, ale jon dazvalaje prajści nie tolki piachocie, ale i braniatechnicy. Da takoj vysnovy žurnalisty Wall Street Journal pryjšli na asnovie intervju ŭkrainskich vajskoŭcaŭ, jakija ŭdzielničajuć u kontrnastupleńni ŭ hetym rajonie, piša «Mieduza».
Karta: ISW
«Praryŭ nievialiki, i za hety ŭčastak iduć žorstkija bai. Rasijcy atakujuć rajon artyleryjaj i iduć u kontrataki. Ukraincy niasuć ciažkija straty», — paviedamlaje vydańnie i adznačaje, što USU stracili častku techniki, jakaja prarvałasia. Pa infarmacyi žurnalistaŭ, ciapier boj viadziecca kala vioski Vierbavoje.
Rasijskija vojski sprabujuć strymlivać nastup USU. Pry hetym, pavodle nazirańniaŭ ukrainskich vajskoŭcaŭ, na pieršaj linii abarony znachodziacca mienš padrychtavanyja vojski, u rasijskich kontratakach udzielničajuć bolš padrychtavanyja šturmavyja padraździaleńni.
