Zatrymali siamiejnuju paru. Mahčyma, jany trapili ŭ kadr «Chronik sučasnaści» Mikałaja Maminava
Siłaviki paviedamlajuć, što para znachodzicca ŭ IČU.
Zatrymanaja siamiejnaja para. Skrynšot ź videa HUBAZiK
Imiony zatrymanych nieviadomyja. Viadoma tolki, što ŭ žniŭni 2020-ha jany niekalki razoŭ vychodzili na pratesty. Ichnija tvary mimachodam praskokvajuć u filmie Mikałaja Maminava «Chroniki sučasnaści» — pa śćviardžeńni siłavikoŭ, ich zatrymali mienavita tamu.
Zatrymany mužčyna pracuje ŭ EPAM. Hubazikaŭcy zmušajuć jaho nazvać svoj zarobak — bolšy za dźvie tysiačy dalaraŭ. Tak jany prasoŭvajuć łukašyscki tezis pra toje, što, maŭlaŭ, «ajcišniki dobra zarablajuć, a im jašče niešta nie padabajecca».
HUBAZiK śćviardžaje, što suprać pary zaviedzienaja kryminalnaja sprava. A taksama što ŭ ichnich telefonach nibyta znajšli niavydalenyja reposty niezaležnych resursaŭ.
Nahadajem, u lipieni 2023-ha Delfi vypuściŭ film Mikałaja Maminava «Chroniki sučasnaści», składzieny ź jahonaj asabistaj chroniki pratestaŭ u 2020-m. Šmat u kaho heta vyklikała abureńnie — značnaja častka ludziej tam z adkrytymi tvarami. U svaju čarhu HUBAZiK pahražaŭ, što budzie zatrymlivać ludziej, jakija trapili ŭ film.
Sam režysior Maminaŭ zajaviŭ, što hetych ludziej u jaho filmie nie było.
«Naša Niva» — bastyjon biełaruščyny
PADTRYMAĆČytajcie taksama:
U jutub vykłali film «Chroniki sučasnaści» z kadrami z pratestaŭ. HUBAZiK pahražaje zatrymańniami
Raspaznavańnie tvaraŭ: što heta takoje, jak jano pracuje i jakija zdolnaści biełaruskich siłavikoŭ
