U Minsku i Marjinaj Horcy 22 vieraśnia pabili tempieraturnyja rekordy 99-hadovaj daŭniny
U Minsku i Marjinaj Horcy abnoŭlenyja maksimumy dnia, jakija trymalisia z 1924 hoda: adpaviedna 26,1 hradusa suprać 24 i 26,6 suprać 25,7, vynikaje z analizu danych Biełhidramieta, praviedzienych telehram-kanałam «Pozirk».
Akramia taho, pierapisana piać rekordaŭ 44-hadovaj daŭniny: u Baranavičach (25,7 suprać 24,8 hradusa, 1979 hod), Lepieli (25,9 suprać 23,3), Navahrudku (25,2 suprać 23,2), Pružanach (26,9 suprać 25,1) i Siańnie (24,9 suprać 24).
Pieršyja tempieraturnyja rekordy hetaj vosieni byli zafiksavanyja 12 vieraśnia. Za minułyja paŭtara tydnia pierapisana 75 łakalnych histaryčnych maksimumaŭ.
23 vieraśnia Biełhidramiet prahnazavaŭ ad 23 da 29 hradusaŭ ciapła. Rekord dnia — 30 hradusaŭ u 2003 hodzie na mieteastancyi «Paleskaj».
Čytajcie taksama:
Pad Brestam vyraścili harbuz vahoj paŭtony. U jaho jość navat svaje sacsietki
Leta adychodzić nie choča. Nastupnyja dni budzie vielmi pryjemnaje nadvorje
Łaza daŭhalećcia. Vinahrad pierastaje być ekzatyčnaj kulturaj dla Biełarusi
