Ukrainskaja raźviedka zajaviła ab datyčnaści da ataki dronami ŭ Kursku — pa budynku FSB i naftapierapracoŭčym zavodzie
Hałoŭnaje ŭpraŭleńnie raźviedki Minabarony Ukrainy praviało apieracyju ŭ Kursku, atakavaŭšy dźvie celi — budynak upraŭleńnia FSB u centry horada i naftapierapracoŭčy zavod u rajonie aeradroma. Pra heta «Ukrainskaj praŭdzie» zajaviła krynica ŭ vajskovaj raźviedcy.
Pa słovach krynicy, u pieršym vypadku było pramoje traplańnie drona ŭ budynak, u vyniku druhoha — pačaŭsia pažar. Dakładnaj infarmacyi ab maštabach razbureńniaŭ abo paciarpiełych pakul niama, dadała krynica.
Ranicaj 24 vieraśnia hubiernatar Kurskaj vobłaści Raman Staravojt paviedamiŭ, što ŭ centralnaj akruzie Kurska ŭkrainski dron atakavaŭ administracyjny budynak, niaznačna paškodziŭšy jaho dach.
Paźniej u miascovych pablikach zjavilisia paviedamleńni ab novym vybuchu ŭ horadzie.
24 vieraśnia Kursk adznačaje Dzień horada. Ułady zajavili, što nie stanuć admianiać śviatočnyja mierapryjemstvy ŭ honar 991-hodździa Kurska, adnak vyrašyli nie ładzić śviatočnaha salutu.
