Mužčyna pad Viciebskam piłavaŭ snarad časoŭ vajny. Toj vybuchnuŭ
Siońnia ranicaj 69-hadovy mužčyna ŭ Viciebskim rajonie znajšoŭ snarad časoŭ Druhoj suśvietnaj vajny i vyrašyŭ raśpiłavać jaho elektrainstrumientam. U vyniku adbyŭsia vybuch.
Reštki snarada. Fota: telehram Śledčaha kamiteta Biełarusi
Mužčyna atrymaŭ spałučanuju traŭmu ruki, jaho dastavili ŭ balnicu, ciapier idzie apieracyja. Pra heta paviedamlaje pres-słužba Śledčaha kamiteta.
Fota: telehram Śledčaha kamiteta Biełarusi
Śledčyja z pryciahnieńniem śpiecyjalistaŭ UDKSE pa Viciebskaj vobłaści pracujuć na miescy zdareńnia. Pravodzicca ahlad, apytvajucca vidavočcy i susiedzi. Pryznačana sudova-miedycynskaja ekśpiertyza. U haspadarčych pabudovach i ŭ dvary paciarpiełaha vyjaŭlenyja snarady i hilzy.
Viciebski rajonny adździeł Śledčaha kamiteta pravodzić pravierku.
