Biełaruski Ił-76, jaki byccam raźbiŭsia ŭ Mali, iznoŭ padniaŭsia ŭ nieba nad Stambułam
Transpartnik Ił-76 z bartavym numaram EW-412TH biełaruskaj kampanii Rubystar Airways vylecieŭ sa Stambuła. Raniej niekatoryja miedyja paviedamlali, što mienavita hety samalot raźbiŭsia ŭ aeraporcie Haa ŭ Mali.
Bort vylecieŭ sa Stambuła ŭ 2:32 PM UTC i ciapier znachodzicca ŭ pavietry — pra heta śviedčać źviestki flightradar24.com, jak piša Reform.by.
Raniej paviedamlałasia, što samalot vylecieŭ ź Minska 22 vieraśnia ŭ bok Kazachstana i vyklučyŭ transpondar. Zatym manitorynhavyja servisy zaŭvažyli jaho 23 vieraśnia nad Machačkałoj. Adkul jon vylecieŭ — nieviadoma. Bort pralacieŭ dalej i pryziamliŭsia ŭ 9:03 AM u Stambule.
Takim čynam, infarmacyja, što biełaruski transpartnik raźbiŭsia ŭ Mali, nie paćviardžajecca. Vidavočna, havorka idzie pra niejki inšy samalot.
Čytajcie taksama:
