U internecie źjavilisia fota źbitaha ŭ kroŭ mužčyny, vielmi padobnaha da Hirkina-Strałkova
Fatahrafii byli vykładzienyja niekatorymi rasijskimi Z-kanałami z paznakaj, što byłoha «ministra abarony DNR» źbiŭ ukrainski pałonny padčas prahułki ŭ SIZA.
Miarkujecca, što na fota źniavoleny Ihar Strałkoŭ, jaki byŭ źbity ŭkraincam padčas prahułki ŭ SIZA. Fota: prarasijskija telehram-kanały
Niekatoryja rasijskija prapahandysckija kanały vykłali fota mocna źbitaha ŭ SIZA nibyta Ihara Strałkova, kamandzira rasijskich šturmavych atradaŭ u 2014 hodzie i byłoha ministra tak zvanaj «DNR», a paźniej — błohiera, viadomaha svajoj šavinistyčnaj pazicyjaj.
Adzin z rasijskich Z-kanałaŭ u telehramie pad fota rastłumačyŭ, što havorka idzie mienavita pra Strałkova, jakoha mocna źbiŭ «pravy radykał» (z namiokam na ŭkrainskich vajennapałonnych) padčas prahułki ŭ SIZA.
U tekście zhadvajecca niadaŭni vypadak, kali žonka Hirkina-Strałkova paskardziłasia na toje, što jaje muža vazili na sud u adnym aŭtazaku z vajennapałonnymi ŭkraincami.
Nijakaha aficyjnaha paćviardžeńnia, što na fota sapraŭdny Ihar Hirkin, jašče nie było.
Čytajcie taksama:
«Jon svaryŭsia na ludajedaŭ za ich niedastatkovy apietyt». Navalny nazvaŭ Strałkova palitviaźniem
Strałkoŭ patłumačyŭ, našto patrebny adzin adnamu Łukašenka i «Vahnier»
Hirkin pra Šajhu: Redkasnaje spałučeńnie durnia, złodzieja i paskudy
