Nočču rasijanie atakavali partovuju infrastrukturu Adesy. U niežyłym hateli ŭspychnuŭ pažar
Nočču Adeskuju vobłaść atakavali 19 udarnych dronaŭ, jakija byli źbityja, i dźvie zvyšhukavyja rakiety «Oniks», paviedamlajuć Siły abarony poŭdnia.
Nastupstvy načnoj ataki na Adesu. Fota: Siły abarony poŭdnia
Pa roznych rehijonach zapuścili 12 «kalibraŭ» sa składanymi trajektoryjami ruchu. Udar nanosiŭsia ŭ tym liku z padłodki ŭ buchcie Novarasijska.
11 «kalibraŭ» źbita (pa adnym nad Mikałajeŭskaj i Kiravahradskaj abłaściami, pieravažnaja bolšaść — nad Adeskaj vobłaściu).
Istotnyja paškodžańni atrymaŭ marski vakzał u Adesie, u budynku pryvakzalnaj haścinicy ŭspychnuŭ pažar.
«Oniksy» razburyli zbožžaschoviščy.
U vyniku padzieńnia abłomkaŭ paškodžańni atrymali składskija budynki adnaho z pradpryjemstvaŭ i pryvatny dom u pryharadzie Adesy.
Vybuchovymi chvalami ŭ niekalkich damach vybita škło. Adna žančyna traŭmavanaja.
