Adzin z bosaŭ «Koza nostra» pamior u Italii. Jaho nie mahli znajści 30 hod
Matea Miesina Denara, bos mafii «Koza nostra», znachodziŭsia ŭ vyšuku niekalki dziasiatkaŭ hadoŭ i ličyŭsia adnym z samych niebiaśpiečnych złačyncaŭ.
62-hadovy Matea Miesina Denara ŭpaŭ u komu 22 vieraśnia, paśla čaho skanaŭ. Jon try hady chvareŭ na rak toŭstaj kiški.
Mužčynu zatrymali 16 studzienia 2023 hoda ŭ pryvatnaj klinicy «Madalena» ŭ Palerma, dzie jon prachodziŭ terapiju.
Pa danych La Repubblica, Denara byŭ apošnim bosam «Koza nostra» pieršaj vieličyni, chto jašče zastavaŭsia na voli.
U 2020 hodzie italjanski sud zavočna asudziŭ Matea Miesinu Denara da pažyćciovaha turemnaha źniavoleńnia. Druhi pažyćciovy termin jon atrymaŭ za saŭdzieł u arhanizacyi zabojstvaŭ lehiendarnych italjanskich śledčych Džavani Falkone i Paoła Barsielina i vaśmi palicejskich-achoŭnikaŭ na Sicylii ŭ 1992 hodzie.
Raniej italjanca ŭžo pryhavorvali da pažyćciovaha terminu za ŭdzieł u arhanizacyi teraktaŭ u Rymie, Fłarencyi i Miłanie ŭ 1993 hodzie, u vyniku jakich zahinuli dziesiać čałaviek i kala sta byli paranienyja.
Denara chavaŭsia ź leta 1993 hoda. Kab stać niepaznavalnym, mužčyna zrabiŭ płastyčnuju apieracyju. Akramia taho, praca palicyi i prakuratury Italii pa pošuku bosa «Koza nostra» Matea Miesiny Denara, jaki chavaŭsia 30 hadoŭ, uskładniałasia niezvyčajna mocnaj łajalnaściu, jakoj toj zaručyŭsia na zachadzie Sicylii.
