Zabity kamandujučy Čarnamorskim fłotam Rasii — SSA Ukrainy
Siły śpiecyjalnych apieracyj Ukrainy śćviardžajuć, što ŭ vyniku ataki na štab Čarnamorskaha fłotu ŭ Sievastopali zahinuli 34 aficery, siarod ich — kamandujučy Čarnamorskim fłotam Rasii. Jaho proźvišča nie ŭdakładniajecca. Ale hetu pasadu zajmaje Viktar Sakałoŭ, pryznačany Pucinym u vieraśni 2022 hoda.
Akramia taho, Siły śpiecyjalnych apieracyj śćviardžajuć, što na vialikim desantnym karabli «Minsk» padčas ataki znachodzilisia 62 čałavieki, bo karabiel «pavinien byŭ na nastupny dzień vyjści na bajavoje dziažurstva», a heta značyć, što na im byŭ asabovy skład. To-bok, pavodle SSA, usie jany zahinuli.
U noč na 13 vieraśnia ŭ vyniku ŭdaru zachodnimi rakietami pa sudnaramontnym zavodzie ŭ akupavanym Sievastopali było paškodžana dva sudny: vialiki desantny karabiel «Minsk» i padvodnaja łodka «Rastoŭ-na-Donie».
22 vieraśnia pa štabie Čarnamorskaha fłotu ŭ Sievastopali naniesieny rakietny ŭdar. Budynak mocna paciarpieŭ.
