Błohier paspytaŭ u Minsku ałkašaŭrmu. Što za jana?
Błohier «Mierzkij Kokobaj» zazirnuŭ u novuju ŭstanovu «Šaŭrma ŭ pivie», jakaja adkryłasia niadaŭna na vulicy Majakoŭskaha ŭ Minsku. Heta ŭžo treci minski restaran hetaj sietki, dva inšyja znachodziacca na vulicy Žukoŭskaha i praśpiekcie Haziety «Pravda».
Admietnaść hetych kiebabnych — vyrab šaŭrmy ŭ piŭnym sousie. Jaje i pradehustavaŭ błohier, prychapiŭšy taksama zaadno «Aktobierfestaŭskuju» z kaŭbaskami ŭ harčycy.
Dźvie porcyi šaŭrmy byli pamieru XL i kaštavali 11 rubloŭ za 490 hramaŭ. Uražańni ž ad smaku nieadnaznačnyja.
«Šava z kaŭbaskami pad lohkim harčyčnym sousam emocyj mocnych nie vyklikała. Skručanaja dobra, pamidor i marynavany ahuročak na miescy, miasa skača ŭ bałansie z harodninaj, sousy ručajom pa vusach.
U firmovaj ciomny sous draždžami ŭ nos nie addaje, redzieńki taki, ź jarkaj piŭnoj słodyčču blizka da desiertnaj šaŭrmy.
Skažu prama: niezdarma spalili bienzin. Spałučeńnie harmaničnaje, kurycy zapchnuli sumlenna, bieź viadra kapusty, pa-biełarusku napchali troški bulby, łavaš — miakki, biez skarynački, niedatrymali. Ja b jašče ryzyknuŭ. Haračaja — tak, sakavitaja, chrumstki łavaš abviarhaju», — padsumavaŭ dehustatar.
Čytajcie taksama:
U centry Astraŭca zhareŭ punkt prodažu šaŭrmy VIDEA
«Układajusia ŭ 2,5 rubla». Kolki hrošaj biełarusy addajuć na abiedy ŭ stałoŭkach i kaviarniach
Top-10 najbujniejšych sietak hramadskaha charčavańnia ŭ Biełarusi
