Minlashas pačynaje sieryjna vypuskać draŭlanyja damy
Litaralna da kanca vieraśnia lashasy zapuściać u sieryjnuju vytvorčaść draŭlanyja damy, paabiacaŭ ministr lasnoj haspadarki Alaksandr Kulik u intervju telekanału STB.
Fota: Minlashas
«My ciapier užo całkam ukamplektavali 20 lashasaŭ abstalavańniem, jakija mohuć vypuskać čatyry vidy damoŭ. Mnohija prychodziać, kažuć: 110 kvadrataŭ — damok krychu zavialiki. Voś taki damok patrebny, jak sadovy. My zrabili dva prajekty pa 60 «kvadrataŭ». I zapuskajem litaralna ich da kanca vieraśnia ŭžo ŭ sieryjnuju vytvorčaść», — raskazaŭ Alaksandr Kulik.
Jon nazvaŭ i košt takich damoŭ — kala 20 000 rubloŭ.
«Heta belki, krokvy, ścieny, padłoha, stol. Voś taki kirunak my vybrali i budziem praciahvać jaho raźvivać», — adznačyŭ ministr.
Čytajcie taksama:
«Žyllo nie dla kožnaha». Pahladzicie, jaki niezvyčajny dom mastaka pradajecca ŭ Minsku
