«Na inšym bierazie» ŭ Minsku papularniejšy za «Barbi» i «Opienhiejmiera» — Kinavideaprakat
Kinavideaprakat Minharvykankama nazvaŭ top-5 filmaŭ — lidaraŭ prakatu na tydni z 18 pa 24 vieraśnia. Lidar prahnazavany.
Pavodle viersii aficyjnych kinošnikaŭ, śpis najbolš papularnych uznačalvaje prapahandyscki film «Na inšym bierazie», jaki nibyta abyšoŭ pa papularnaści halivudskija šedeŭry «Barbi» i «Opienhiejmier», jakija bjuć rekordy ŭ suśvietnym prakacie.
Na čaćviortaj i piataj pazicyjach raźmiaścilisia taksama zamiežnyja karciny «Paśla. Nazaŭždy» i «Niastrymnyja 4».
Pryčyna siensacyjnaj papularnaści filma, zroblenaha miascovymi prapahandystami ŭ kałabaracyi z rasijskimi, tłumačycca vielmi prosta: anšłahi na pakazach «Na inšym bierazie» zabiaśpiečvajucca pry dapamozie administracyjnaha resursu.
Hetamu jość šmat śviedčańniaŭ. Na «Barbi» ž, «Opienhiejmiera» i inšyja filmy ludzi chodziać dobraachvotna.
Zrešty, Kinavideaprakat Minharvykankama prosta rasstaviŭ filmy pa miescach, a ličbavyja danyja, jakoj mienavita papularnaściu karystałasia kožnaja z karcin, nie pryvodzić.
Pry hetym papiaredniaja praktyka śviedčyć, što prapahandysckija karciny, dla prasoŭvańnia jakich administracyjny režym nie zastasoŭvaŭsia, u prakacie apošnim časam mieli poŭny pravał. Adnosna hetaha navat niadaŭna biła ŭ zvany viadomaja aktyvistka-danosčyca z Hrodna Volha Bondarava.
Čytajcie taksama:
Šmat kličnikaŭ i kapsłokaŭ. Tak vyhladajuć zakliki piedahohaŭ da naviedvańnia prapahandysckaha filma
Pahladzieli film «Na inšym bierazie». Raskazvajem siužet i toje, što pabačyli ŭ kinateatry
