U Karabachu ŭzarvaŭsia skład z palivam. Bolš za 200 paciarpiełych
U Karabachu ŭzarvaŭsia skład z palivam. U rehijonie nie chapaje miedustanoŭ dla dapamohi paciarpiełym.
Vybuch adbyŭsia ŭviečary 25 vieraśnia pablizu trasy Ściepanakiert — Askieran. Pa słovach vidavočcaŭ, na stancyi, dzie adbyŭsia vybuch, vydavali bienzin ludziam, jakija vyjazdžajuć u Armieniju. Pryčyny vybuchu nie ŭdakładniajucca.
«Kolkaść paciarpiełych pry vybuchu na składzie paliva pieravyšaje 200 čałaviek. Stan zdaroŭja bolšaści ludziej ciažki abo vielmi ciažki.
Miedycynskich mahčymaściej Nahornaha Karabacha niedastatkova.
Sanitarnaja avijacyja pavinna nieadkładna prybyć u respubliku, kab vyratavać žyćci ludziej», — napisaŭ upaŭnavažany pa pravach čałavieka ŭ niepryznanaj Nahorna-Karabachskaj Respublicy Hieham Ściepanian.
Čytajcie taksama:
Azierbajdžan nazvaŭ, kolki rasijskich miratvorcaŭ zahinuła ŭ Nahornym Karabachu
Bajden dasłaŭ list z padtrymkaj armianskamu premjeru Pašynianu
