Buzava paśliznułasia i zvaliłasia na «Minsk-arenie». Ani Ejsmant, ani Pryhožyn nie padchapili jaje
Rasijskaja zorka rabiła simvaličnaje ŭkidvańnie šajby pierad matčam Kantynientalnaj chakiejnaj lihi «Dynama-Minsk» — «Ak Bars».
Ivan Ejsmant, Iosif Pryhožyn i Rusłan Alachno padymajuć Volhu Buzavu. Skrynšot videa Biełaruś-5
Volha Buzava vyjšła na lod u supravadžeńni kiraŭnika Biełteleradyjokampanii Ivana Ejsmanta, a taksama pradziusara Iosifa Pryhožyna, śpievakoŭ Rusłana Alachno i Siarohi, jakija pryjechali na šou «Faktar».
Paśla ŭkidvańnia šajby kampanija nakiravałasia za miežy placoŭki. Buzava była na abcasach, paśliznułasia, nie ŭtrymałasia i ŭpała na lod.
Ejsmant, Alachno i Pryhožyn nie paśpieli padstrachavać. Siaroha moŭčki suziraŭ.
Nadiejuś vsie chorošo✌️
Padzieńnie Buzavaj vyklikała śmiech na «Minsk-Arenie». Śmiajaŭsia navat trenier «Dynama» Dźmitryj Kvartalnaŭ.
Darečy, padzieńni niechakiejnych zorak na lodzie nie takaja ŭžo i nieardynarnaja padzieja. Čatyry hady tamu zavirusiłasia videa, jak pierad matčam «Avanhard» — SKA toj ža KCHŁ raściahnuŭsia na lodzie słavuty partuhalski trenier Žaze Maŭryńju.
A «Dynama» ŭčora vyjhrała 3:2, i Buzava radavałasia šajbie-suvieniru.
