Siońnia dzień, kali biełarusy nie ryzykavali chadzić u les
27 vieraśnia pravasłaŭnyja, jakija trymajucca julijanskaha kalendara, adznačajuć adno z svaich najbolšych śviat — Uźvižańnie Śviatoha i Žyvatvornaha Kryža Haspodniaha (Źvižańnie). Pravasłaŭnyja krain Jeŭropy, što žyvuć pa novajulijanskim kalendary, adznačali jaho 14 vieraśnia.
Fota: Naša Niva
Śviatkavańnie Uźvižańnia zapačatkavanaje carkvoj paśla taho, jak maci rymskaho impieratara Kanstancina Alena ździejśniła pałomnictva ŭ Ijerusalim u pošukach kryža, na jakim byŭ raśpiaty Isus.
Alena nasamreč znajšła kryž, a ŭ 325 h. jaje syn impieratar Kanstancin daŭ zahad ustalavać kryž na Hałhofie, kab usie achvotnyja mahli pakłaniacca jamu.
Biełarusy ličać, što ŭ hety dzień u lasach usie źmiei źbirajucca razam, kab adpravicca na zimovy son, tamu 27 vieraśnia ludzi nie ryzykavali chadzić u les.
«Va Uźvižańnia paru hadziuki i vužaki chavajucca ŭ naru».
Taksama hety dzień ličycca kančatkovym raźvitańniem ź letam.
Biełarusy kazali: «Na Uźvižańnie chałat ź pleč, a kažuch na plečy».
