Siońnia pačynajecca sud nad eks-redaktaram «Rehijanalnaj haziety» Alaksandram Mancevičam
65-hadovy Alaksandr Mancevič uznačalvaŭ «Rehijanalnuju hazietu» z momantu jaje zasnavańnia ŭ krasaviku 1995 hoda. Za hety čas vydańnie stała viadučym niezaležnym ŚMI Maładziečna i vaśmi rajonaŭ. Jon nieadnarazovy pieramožca žurnalisckich konkursaŭ i premij za vysokija standarty pracy. Spravu budzie razhladać sudździa Alaksiej Iršyn.
Alaksandr Mancevič byŭ zatrymany 15 sakavika paśla pieratrusu ŭ jahonym domie. Jaho abvinavačvajuć pavodle art. 369-1 KK (dyskredytacyja Respubliki Biełaruś). Jamu pahražaje da dvuch hadoŭ źniavoleńnia.
Zhodna z materyjałami kryminalnaj spravy, Mancevič, źjaŭlajučysia dyrektaram redakcyi haziety, sumiesna ź inšymi asobami z 1 studzienia 2020 hoda da 15 sakavika 2023 hoda raspaŭsiudžvaŭ u drukavanym vydańni i jaho internet-resursach «zaviedama chłuślivyja źviestki, jakija dyskredytujuć Biełaruś i jaje orhany ŭłady».
Čytajcie taksama:
Žurnalist Andrej Alaksandraŭ u kałonii schudnieŭ na 40 kiłahramaŭ
«Jaje cikaviać litaralna ŭsie padrabiaznaści». Jakija naviny dachodziać ad Maryny Zołatavaj
U listach z-za krataŭ palitźniavoleny žurnalist Andrej Kuźniečyk raskazvaje pra toje, jak śnić Minsk
