Znajści
Ałharytmičny łacinski varyjant
27.09.2023 / 11:5713RusŁacBieł

Zbornaja Ukrainy pa plažnym futbole źniałasia z čempijanatu śvietu z-za ŭdziełu Biełarusi

Zbornaja Ukrainy pa plažnym futbole nie zhulaje na čempijanacie śvietu, jaki projdzie 15-24 lutaha ŭ Abjadnanych Arabskich Emiratach. Kamanda susiedniaj krainy atrymała adzin z čatyroch propuskaŭ ad Jeŭropy, ale taksama na ČS u Dubai kvalifikavałasia i zbornaja Biełarusi. Tamu ŭkraincy źnialisia z mundyjala.

Fota: beachsoccer.org.ua

Ukraincy źviarnulisia ŭ FIFA i Suśvietnuju asacyjacyju plažnaha futbołu z prośbaj adchilić kamandu Biełarusi ad vystupaŭ, z-za taho, što hetaja biełaruskaja kamanda pradstaŭlaje krainu — pamahataha Rasii ŭ kanflikcie, tamu źjaŭlajecca saŭdzielnikam uzbrojenaj ahresii suprać Ukrainy, tłumačyć Asacyjacyja plažnaha futbołu Ukrainy.

Adnak futbolnyja čynoŭniki admovilisia heta rabić, jak admovilisia ad prapanovy, kab biełarusy zhulali biez svaich dziaržaŭnych simvałaŭ.

Tamu na asnovie zahada Ministerstva moładzi i sportu Ukrainy ad 26 lipienia 2023 hoda, jaki zabaraniaje ŭdzielničać u mižnarodnych spabornictvach, dzie taksama biaruć udzieł biełarusy i rasijanie, zbornaja Ukrainy pa plažnym futbole nie zhulaje na čempijanacie śvietu 2024 u AAE.

Varta zaznačyć, što paśla pačatku vajny va Ukrainie rasijski futboł na ŭzroŭni zbornych i kłubaŭ całkam adchileny ad mižnarodnych spabornictvaŭ.

Tak zbornaja Rasii nie ŭdzielničaje ŭ adbory na čempijanat Jeŭropy 2024 hoda, imavierna, prapuścić adbor na čempijanat śvietu 2026 hoda. Naohuł za paŭtara hoda zbornaja Rasii praviała tolki piać tavaryskich matčaŭ z azijackimi kamandami i zbornaj Jehipta. U Rasii ŭžo ŭsurjoz zadumvajucca pra pierachod z UEFA (Jeŭrapiejskaj fiederacyi futboła) u Azijackuju futbolnuju kanfiederacyju.

Učora UEFA čarhovy raz zajaviła, što rasijskija darosłyja zbornyja buduć dapuščanyja da mižnarodnych spabornictvaŭ tolki paśla skančeńnia vajny va Ukrainy.

Biełaruskija kłuby i zbornyja ŭdzielničajuć u jeŭrakubkach i adborach, ale vymušanyja pravodzić pajadynki na niejtralnym poli i ŭ adsutnaści hledačoŭ. Matčy jeŭrakubkaŭ i zbornych hulajucca ŭ Sierbii, Vienhryi, Armienii i Azierbajdžanie.

Čytajcie taksama:

U čempijanacie Turcyi pa futbole adbyŭsia epičny promach

Były ŭkrainska-biełaruski futbalist Arciom Mileŭski špitalizavany, jaho stan ciažki

Futbalist-vieteran akazaŭsia surovym ściuardam. Dva jaskravyja epizody biełaruskaha čempijanatu pa futbole niečakana źlilisia ŭ adzin

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
9
Панылы сорам
0
Ха-ха
1
Ого
0
Сумна
0
Абуральна
1
1
A moža tak i treba/adkazać/
27.09.2023
Jauhien, padymi sr*ku z kresła - tam jana budzie ćvik)
1
Čarłz /adkazać/
28.09.2023
mascha źniata, jak ty vytrymaŭ dystancyju ŭ natoŭpie, razumnik?
1
mascha źniata/adkazać/
28.09.2023
dyk na fota i natoŭpu asabliva niama - možna stajać svabodna
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031