«Vielmi škada, Uładzimir». Chiłary Klintan padkałoła Pucina
Byłaja dziaržsakratarka ZŠA zajaviła, što ŭ pašyreńni NATO vinavaty prezident Rasii Uładzimir Pucin.
Chiłary Klintan. Fota: Jacquelyn Martin / AP
Byłaja dziaržsakratarka ZŠA Chiłary Klintan padkałoła prezidenta Rasii Uładzimira Pucina z nahody pašyreńnia NATO, skazaŭšy: «Vielmi škada, Uładzimir. Ty sam naklikaŭ heta na siabie», piša Reuters.
«Abarona demakratyi va Ukrainie, pašyreńnie NATO — prosta ŭ jakaści praduchileńnia pahrozy, škada, Uładzimir, što ty sam naklikaŭ heta na siabie», — skazała jana, vyklikaŭšy śmiech i apładysmienty.
«My zaŭsiody kazali: ludziej nie prymušajuć ustupać u NATO. Ludzi vybirajuć i chočuć ustupić u NATO», — dadała Klintan.
Jana taksama skarystałasia vypadkam, kab prademanstravać niepryniaćcie palityki byłoha prezidenta-respublikanca Donalda Trampa, jaki pieramoh jaje na prezidenckich vybarach u ZŠA ŭ 2016 hodzie.
