Znajści
Ałharytmičny łacinski varyjant
27.09.2023 / 18:2622RusŁacBieł

Biełaruskija turysty vybirajuć Rasiju? Jak źmianiłasia hieahrafija pajezdak biełarusaŭ za miažu ŭ 2022 hodzie

Rasijskija ŚMI pišuć, što biełarusy praź vizavyja i hieapalityčnyja pryčyny paviarnulisia ŭ bok uschodniaj susiedki. Ale nie ŭsio tak adnaznačna, daviedałasia vydańnie BG.Media.

Turysty ŭ hornym parku Ruskieała ŭ Karelii. Fota: sportishka.com

Samym masavym popytam u biełaruskich turystaŭ karystajucca karotkija pajezdki ŭ Sankt-Pieciarburh, piša rasijskaje vydańnie ratanews.ru. Na jaho dumku, hety horad zamianiŭ biełarusam Lvoŭ, Prahu i inšyja jeŭrapiejskija harady, kudy biełaruskaja ekskursijnaja płyń była vielmi vialikaja, a ciapier hetyja pajezdki niemahčymyja ci abmiežavanyja.

Turfirmy adpraŭlajuć ludziej u Sankt-Pieciarburh i aŭtobusami, i ciahnikami, u farmacie sici-brejkaŭ, ci z dadatkam — adnadzionnym turam u Kareliju.

Darečy, mienavita biełaruskija turysty vyratavali ad značnaha padzieńnia prodažaŭ turaŭ u Kareliju, ličyć dyrektar kampanii «Ratas» Uładzimir Kučarenka.

«Na hetym tydni prymajem apošnija hrupy. U cełym siezonam zadavolenyja, choć jon adnaznačna słabiejšy za minuły. Padzieńnie abjomaŭ u kampanii skłała 8-10% u paraŭnańni ź minułym hodam. I heta jašče vielmi niadrenna, tamu što pa rynku pakazčyk nižejšy.

Nie ŭpaści macniej u hetym siezonie nam dapamahli biełaruskija turysty, jakija aktyŭna jechali da nas cełymi aŭtobusami. Kali b nie jany, źnižeńnie ŭ našaj kampanii skłała b nie mienš za 20-25%», — skazaŭ dyrektar turfirmy.

Taksama popytam u biełarusaŭ karystalisia tury ŭ Maskvu — ciahnikom i aŭtobusam. Košt čatyrochdzionnaj pajezdki ŭ Pieciarburh abo Maskvu kala 120 dalaraŭ.

Naroŭni z Maskvoj i Pieciarburham našy suajčyńniki naviedvali taksama Kalininhrad, harady Załatoha kalca i kurorty Krasnadarskaha kraju — Anapu, Hielendžyk, Adler i Sočy.

Źviestki biełaruskaj aficyjnaj statystyki

Pavodle źviestak Biełstata, u top-5 samych papularnych krain u biełaruskich turystaŭ u 2022 hodzie ŭvajšli Turcyja, Rasija, Jehipiet, AAE i Hruzija. Vyjaznaja turystyčnaja płyń skłała 3,9 młn pajezdak.

Pry hetym pakidali miežy Biełarusi dla arhanizavanych padarožžaŭ u 111 krain śvietu 348,6 tysiačy biełarusaŭ. Siaredniaja praciahłaść znachodžańnia za miažoj skłała vosiem dzion.

Samym papularnym kirunkam u biełaruskich turystaŭ stała Turcyja. Tudy ŭ 2022 hodzie źjeździli 104,2 tysiačy čałaviek. Na druhim miescy — Rasija (78,2 tysiačy). Dalej — Jehipiet (50,9 tys.), AAE (30,5 tysiačy) i Hruzija (21,3 tysiačy).

Mierkavańnie pradstaŭnikoŭ biełaruskaha turbiznesu

Pavyšanuju cikavaść da Rasii ekśpierty tłumačać vizavymi i hieapalityčnymi pryčynami. Taksama hetamu spryjajuć markietynhavyja namahańni rasijskaj turystyčnaj administracyi ŭ supracoŭnictvie ź biełaruskimi kalehami.

Adnak apošnija nie śpiašajucca padzialać entuzijazm svaich uschodnich partnioraŭ.

«Pakul nie možam skazać, što papularnaść hetych turaŭ vialikaja», — kaža dyrektar biełaruskaha pradstaŭnictva «Piehas Turystyk» Palina Chadkievič.

Dyrektarka biełaruskaha pradstaŭnictva «Piehas Turystyk» Palina Chadkievič. Fota: www.toursoyuz.by.

«Ja b nie nazvała turyzm u Rasiju masavym, — zhadžajecca z kalehaj kiraŭnica biełaruskaha turapieratara «Bieł-aryjencir» Iryna Bavienka. — Ale biełaruski rynak pačynaje pavolna pavaročvacca da Rasii.

Nie tak daŭno my pačali prapanoŭvać tury ŭ Pskoŭ. Heta źviazana sa źjaŭleńniem avijarejsa Minsk — Pskoŭ. Lacieć niedaloka, bilet tanny. Naohuł Rasija — heta vielizarnaja kolkaść varyjantaŭ. Da prykładu, ty možaš za nievialikija hrošy prylacieć ź Minska ŭ Maskvu, sieści na ciepłachod i apynucca ŭ Astrachani».

«Siarod mnohich prapanoŭ pa Rasii ŭ nas jość tury na Bajkał, — raspaviadaje kiraŭnik kampanii «Ekatur-6» Mira Baran. —

Mnohija pytajucca, ale nie mnohija laciać, bo heta darahi tur. Pa canie paraŭnalny z adpačynkam u piacizorkavych hatelach Turcyi ci Arabskich Emirataŭ».

Zaŭvažana, što biełaruskija patoki turystaŭ u Rasiju aktyvizujucca pa tych napramkach, kudy jość avija— abo čyhunačnyja znosiny. Ź Biełarusi možna palacieć u Novasibirsk, Jekaciarynburh, Pierm, Krasnajarsk, Kazań, Čalabinsk, Samaru, Kalininhrad, Sankt-Pieciarburh, Maskvu, Pskoŭ, Ufu i inšyja harady. Hety śpis pastajanna papaŭniajecca.

Čytajcie taksama:

Biełaruś nie Jeŭropa? Top-5 krain, dzie adpačyvali letaś biełarusy

Što palahčaje žyćcio turystu? Top-10 mabilnych prahram i servisaŭ dla pachodaŭ i padarožžaŭ

«Praca ŭ mory dała zrazumieć, što ŭsio ŭ hetym žyćci mahčyma». Biełaruska pracuje na łajnierach i hladzić śviet, a doma ratuje žyvioł

Jehipiet, Maldyvy, Indyja i nie tolki. Kudy biełarusu pajechać vosieńniu da mora?

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
5
Панылы сорам
13
Ха-ха
4
Ого
0
Сумна
3
Абуральна
7
2
Maksim Dizajnier/adkazać/
28.09.2023
Bend

U mienia dažie v 40-a etažnom ofisie, dažie nie v Diełovom cientrie, a čuť dalšie, v každom tualetie raźmierom s odnušku, kotorych na etaž było 4-6 štuk, urny dla tualetnoj bumahi stojali, i unitazy śvierkali, kak ni v odnoj vašiej kvartirie, potomu čto ich draili po 2 raza v dień. A u vas dažie v kvartirach bumahu v unitaz smyvajut. DO SICH POR. A v ofisnych sortirach triapkami obossannymi voniajet i plitka s prošłoho vieka ležit.
0
Texted/adkazać/
29.09.2023
Piatruś, Inakš kažučy ŭsio dobra razumiejuć što na Maskoviju soŭhajuca nie dziela taho kab pahladzieć na mordar, a tamu što vizy stali nie kožnamu dastupnyja. Byŭ by bieźviz nichto b nie jechaŭ by da maskoŭskich šavianistaŭ akramia marhinezu.
0
Tchaikovsky/adkazać/
29.09.2023
Usie ŭ vas "Była", a što stałasia? "vialiki" putyn pazbaviŭ ofisau i nakryŭ biznes bo zachacieŭ pazabivać ludziej u samiedniej krainie? Nikoli nie pabaču maskavitam 2022 hod i toje što jany robiać u Biełarusi.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera