Haradzienca asudzili za publikacyju źviestak pra siemji supracoŭnikaŭ RAUS paśla bytavoha kanfliktu ź imi na leśvicy
Paŭła Hołava asudzili da pazbaŭleńnia voli ŭ kałonii pavodle č. 2 art. 203-1 (niezakonnyja dziejańni ŭ dačynieńni da infarmacyi ab pryvatnym žyćci i piersanalnych źviestkach) i art. 188 (paklop) Kryminalnaha kodeksa.
Ilustracyjnaje fota: «Naša Niva»
Dakładny termin nieviadomy, ale mužčynu vyzvalili z-pad varty, bo da suda jon znachodziŭsia pad vartaj i całkam adbyŭ pryznačany termin. Taksama jon musić vypłacić štraf, jaho pamier taksama nieviadomy, piša «Viasna».
Vyrak ahučyŭ u sudzie Kastryčnickaha rajona sudździa Vital Łabocki. Jon pryznaŭ Hołava vinavatym u tym, što toj raźmiaściŭ u telehram-čacie infarmacyju pra supracoŭnikaŭ Kastryčnickaha RAUS Hrodna, jakija «mohuć arhanizoŭvać pravakacyi, kanfliktnyja situacyi ci apieratyŭnaje nazirańnie, a taksama adbirać u dziaciej telefony».
Pavieł pryznaŭ vinu častkova. Jon raspavioŭ pra bytavy kanflikt na leśvičnaj placoŭcy ź dźviuma siemjami — čatyrma supracoŭnikami RAUS, jakija žyvuć ź im u adnym domie.
Situacyju zdymaŭ na telefon syn Hołava, heta nie spadabałasia supracoŭnikam RAUS, tamu, kali telefon upaŭ na padłohu, adzin ź ich pasprabavaŭ jaho zabrać. Hołaŭ źviarnuŭsia ŭ milicyju, ale, kali nie atrymaŭ danych pra razhlad zajavy, raźmiaściŭ videazapisy kanfliktu i fotazdymki ŭdzielnikaŭ u čacie.
Viadoma, što ŭ Hołava dvoje dziaciej.
Čytajcie taksama:
Byłomu kiraŭniku navapołackich siłavikoŭ dali štraf za niećviarozaje kiravańnie
Aršanskuju piensijanierku ź invalidnaściu asudzili da kałonii za kamientar u «Adnakłaśnikach»
