Nastaŭnicu hieahrafii ź Minska asudzili na try hady «chatniaj chimii» za ŭdzieł u akcyjach pratestu
U sudzie Frunzienskaha rajona 19 vieraśnia asudzili Irynu Mažarskuju pavodle č. 1 art. 342 KK (arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich). Prysud vynies sudździa Andrej Mlečka, paviedamlajuć pravaabaroncy.
Iryna — ciapier užo byłaja nastaŭnica hieahrafii minskaj himnazii №25 imia Rymy Šaršniovaj. Jana rychtavała vučniaŭ da ŭdziełu ŭ respublikanskaj alimpijadzie, była kiraŭnicaj kamandy horada Minska pa hieahrafii. Letaś adzin ź jaje vučniaŭ na alimpijadzie atrymaŭ dypłom treciaj stupieni pa hieahrafii, a administracyja himnazii vykazvała Irynie słovy padziaki za dobruju pracu.
Jak paviedamiła pres-słužba prakuratury, nastaŭnica niby «supraćpraŭnymi pavodzinami padała maładym ludziam niehatyŭny prykład».
