Biełarusy nie mohuć vyvieści hrošy z Payoneer
Biełaruskija fryłansiery sutyknulisia ź niepryjemnaj situacyjaj: hrošy z płaciežnaj sistemy Payoneer z pačatku tydnia nie ŭdajecca vyvieści na rachunki ŭ Biełarusi. Office Life vyśvietliŭ, što adbyłosia.
Na forumach fryłansieraŭ z paniadziełka, 25 vieraśnia, stali zjaŭlacca paviedamleńni, što hrošy z Payoneer nie prachodziać na rachunki ŭ Biełaruś. Skardzilisia klijenty Pryjorbanka. Paśla adpraŭki hrošaj na rachunak jany praź dzień znoŭ viartalisia na Payoneer. Pry hetym u techpadtrymcy Pryjorbanka klijentam paviedamlali, što srodki ŭ biełaruski bank nie pastupali.
U techpadtrymcy Payoneer paćvierdzili, što prablema sapraŭdy jość.
«Z našaha boku jość techničnyja niepaładki ź pieravodam srodkaŭ u Pryjorbank. Naš techadździeł pracuje nad hetym pytańniem. Rekamiendujem čakać da nastupnaha tydnia», — raspaviali tam.
Pradstaŭniki Payoneer taksama ŭdakładnili, što rajać pačakać ź pieraličeńniem srodkaŭ jak minimum da 4 kastryčnika.
Ź lutaha minułaha hoda klijenty biełaruskich bankaŭ, jakija trapili pad zachodnija sankcyi, nie mohuć vyvodzić hrošy z płaciežnaj sistemy Payoneer. Akramia taho, u biełarusaŭ uźnikajuć ciažkaści sa stvareńniem novych akaŭntaŭ. Pry hetym šerah bankaŭ pracuje z płaciežnaj sistemaj biez prablem.
Čytajcie taksama:
U Polščy patrabujuć uvieści sankcyi suprać biełaruskich charčovych solaŭ
10 hadoŭ «Štadleru»: raboty niama, a inžynieraŭ vyvoziać u Jeŭropu i Kazachstan
