U Biełarusi stvorać jašče adnu sietku kram pa prodažy aryštavanaj majomaści
U Biełarusi źjavicca jašče adna sietka roźničnaha handlu, dzie płanujuć pradavać aryštavanuju majomaść, paviedamiŭ hiendyrektar kampanii «BiełJurZabieśpiačeńnie» Valeryj Daškoŭski.
Zdymak ilustracyjny. Fota: Myfin.by
Sa słoŭ Daškoŭskaha, mahčymaść kuplać kanfiskavanyja tavary ŭ Biełarusi jość daŭno — praź internet-kramu e-auction.by/shop/. Taksama pracuje placoŭka elektronnych tarhoŭ e-auction.by.
Što tyčycca roźničnych punktaŭ prodažu, to jany ŭžo adkrytyja ŭ Viciebsku i Hrodnie. Najbližejšym časam takaja krama źjavicca i ŭ Minsku, jana «amal hatovaja da adkryćcia». Akramia taho, Daškoŭski anansavaŭ, što da kanca hoda krama kanfiskatu źjavicca ŭ Breście.
U Miniuście ŭdakładnili, što z pačatku hoda «BiełJurZabieśpiačeńnie» praviało 5,3 tys. elektronnych tarhoŭ pa prodažy aryštavanaj majomaści. Paśpiachova zavieršana 270 elektronnych tarhoŭ pa prodažy dziaržaŭnaj i pryvatnaj majomaści.
Pry hetym u Biełarusi ŭžo jość handlovaja sietka «Vaš vybar», jakaja ŭklučaje 18 mahazinaŭ. Jany raźmieščanyja nie tolki ŭ Minsku i abłasnych centrach, ale i ŭ Lidzie, Połacku, Žłobinie, Dziaržynsku i Babrujsku. Hetaja sietka naležyć servisna-handlovamu respublikanskamu ŭnitarnamu pradpryjemstvu «Handlovy dom» Uschodni», jaki pradaje majomaść, pieradadzienuju ŭ dachod dziaržavy.
Čytajcie taksama:
U Hrodnie adkryli kramu, dzie pradajuć aryštavanyja sudovymi vykanaŭcami rečy
U vymirajučym paleskim rajcentry pabudujuć mieha-RAUS sa spartyŭnymi placoŭkami, ciram i IČU
