Znajści
Ałharytmičny łacinski varyjant
01.10.2023 / 20:194RusŁacBieł

Pa susiedstvie z čynoŭnikami i miljanierami. Jakija katedžy pradajuć u Drazdach

Pahladzieli, jakija katedžy i pa jakich cenach pradajuć u elitnym mikrarajonie.

Dom, u jakim nichto nie žyŭ

Samy darahi dom u Drazdach acenieny ŭ 3,05 młn dalaraŭ. Stolki prosiać za katedž na 305 m² na Siomkaŭskim zavułku, jaki staić na ŭčastku pamieram 15 sotak. Žytło całkam hatovaje dla zasialeńnia. Dom častkova meblavany, hod zaviaršeńnia pabudovy — 2023. U domie jašče nichto nie žyŭ.

Fota: realt.by

Terytoryja abstalavanaja ŭłasnaj sistemaj videanazirańnia i sistemaj «razumny dom». U katedžy majecca saŭna i nievialički basiejn, u jakim možna tolki akunucca.

Fota: realt.by

Na ŭčastku vykanany łandšaftny dyzajn. Dom znachodzicca niepadalok ad vadaschovišča Drazdy.

Fota: realt.by

U domie zrobleny dyzajnierski ramont z vykarystańniem darahich materyjałaŭ italjanskaj i amierykanskaj vytvorčaści, havorycca ŭ apisańni.

Kłasičny katedž

Nastupny pa darahoŭli dom u Drazdach kaštuje na 50 tysiač dalaraŭ mienš. 

Roŭna za try miljony dalaraŭ pradajecca katedž z ahulnaj płoščaj 437 «kvadrataŭ» na vulicy Račnoj. Katedž byŭ pabudavany ŭ 2005 hodzie.

Fota: realt.by

Dom dvuchpaviarchovy, na cokalnym paviersie znachodziacca: pamiaškańnie-siejf, biljardavaja, dźvie kładoŭki z asobnaj vientylacyjaj i zonami abstalavanymi dla zachoŭvańnia harodniny.

Fota: realt.by

Aproč asnoŭnaha doma na 15 sotkach staić łaźnia z basiejnam, pabudavanaja z brusu. Jość terasa, pakoj dla adpačynku z marmurovaj abahravalnaj lažankaj, zona dla barbiekiu.

Ramont u domie vykanany z namiokam na kłasičny styl. Na pieršym paviersie znachodzicca haścioŭnia, kuchnia-stałovaja i pakoj dla haściej z sanvuzłom.

Fota: realt.by

Na druhim uzroŭni znachodziacca: dźvie spalni, dva sanvuzły, kabiniet i harderobny pakoj. 

Dom z basiejnam i aharodam

Dom za 2,75 młn dalaraŭ pradajuć na Ahatavym zavułku. Ahulnaja płošča doma 2006 hoda pabudovy — 871 m².

Fota: realt.by

Na ŭčastku pamieram 15 sotak vykanany łandšaftny dyzajn, ale, jak paznačana ŭ apisańni, znajšłosia miesca i dla aharodu. 

Fota: realt.by

Na mansardavym paviersie znachodziacca pakoj ź biljardnym stałom, nievialičkaja spartyŭnaja zała, pakoj z tenisnym stałom. Harderobnaja — płoščaj ź siaredniestatystyčnuju dvuchapakajoŭku (51 m²).

Fota: realt.by

Dla adpačynku tut jość altanka z zonaj barbiekiu na vulicy, a taksama saŭna i basiejn na cokalnym paviersie.

Fota: realt.by

«U hetym domie jość usio, pra što vy maryli: nie tolki vialiki pryhožy dom, ale i miesca, dzie vy možacie adčuvać siabie kamfortna i ŭtulna, dzie vy možacie bavić čas sa svajoj siamjoj i siabrami, atrymlivać asałodu ad cišyni i spakoju, a taksama zabaŭlacca i zajmacca lubimym chobi», — piša pradaviec, dadajučy da pieravah «zyčlivych reśpiektabielnych susiedziaŭ».

Varyjant sa SPA

U 2 młn 300 tysiač aceńvajuć dom u sučasnym styli. Za hetyja hrošy abiacajuć hatovy katedž biez čystavoj adziełki z dobraŭparadkavanym ŭčastkam. Jość haraž i zona SPA, taksama ŭ hety košt uvachodzić leśvica na druhi pavierch.

Fota: realt.by

Znachodzicca budoŭla na vulicy Vierbnaj. Ahulnaja płošča pabudovy składaje amal 500 «kvadrataŭ», žyłaja — pad 350 m². Pamier učastka — 12 sotak.

Vysokija stoli i hołyja ścieny

Na vulicy Vierbnaj za 1,3 młn dalaraŭ pradajecca niezavieršanaje budaŭnictva. Ahulnaja płošča doma 590 m². Učastak — 15 sotak.

Fota: realt.by

Na ŭčastku šmat budaŭničych materyjałaŭ, a ŭnutry — hołyja ścieny.

Fota: realt.by

Druhi pavierch mansardavaha typu, ale z vysokimi stolami — jak paznačana ŭ apisańni, na piku jany dasiahajuć 5,2 mietra.

Zatoje ŭ Drazdach

Ale, kab žyć u adnym z samych elitnych rajonaŭ stalicy, nie abaviazkova być dalaravym miljanieram. Dastatkova — rublovym.

Fota: kufar.by

Tak, u Drazdach pa zavułku Vieśninka za 1,200 młn rubloŭ, ci kala 346 tysiač dalaraŭ, pradajecca pałova doma 1972 hoda pabudovy razam z kavałkam ziamli na 7,5 sotak.

Čytajcie taksama: 

Z kaminam, piłonam i sa śviatłamuzykaj. U Viciebsku pradajecca ŭnikalny haraž

U «Novaj Baravoj» źjaviacca kvatery płoščaj usiaho 20 «kvadrataŭ». Jakaja cana?

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
6
Ха-ха
7
Ого
0
Сумна
3
Абуральна
5
0
Jurij/adkazać/
01.10.2023
Vot kakoj domik "po sosiedstvu s činovnikami i millionierami" smohła postroiť prostaja školnaja uborŝica
0
na ścianie rybka/adkazać/
01.10.2023
dyk NN ža čytajuć adny alicharchi. dyk čamu b i nie ?
0
daviedka/adkazać/
01.10.2023
Nikita Račiłovskij połnosťju prav, triebuja zaprietiť «Drozdy».
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031