Rasija viarnuła ŭ Biełaruś sto tysiač klaščoŭ
Ź Biełarusi ŭ Rasiju sprabavali zavieźci 100 000 klaščoŭ-entamafahaŭ, ale rasijski bok paličyŭ ich pieravozku niezakonnaj i raźviarnuŭ hruz na miažy.
Fota: 32.fsvps.gov.ru
Mašynu z klaščami Phytoseiulus persimilis spynili ŭ prapusknym punkcie «Krasny Kamień» (Złynkaŭski rajon). Pavodle dakumientaŭ, klaščoŭ vieźli ŭ Biełharodskuju vobłaść Rasii. Na hruz byŭ vieterynarny siertyfikat, vydadzieny biełaruskaj vieterynarnaj słužbaj, a krainaj pachodžańnia byŭ paznačany Jehipiet.
Supracoŭniki Raśsielhasnahlada vyznačyli, što źviestki na ŭpakoŭcy nie adpaviadajuć infarmacyi ŭ supravadžalnych dakumientach. Akramia taho, u vieterynarnym siertyfikacie nie było ŭsioj nieabchodnaj infarmacyi i byli paznačanyja niekarektnyja źviestki ab pryznačeńni i znachodžańni hruzu na terytoryi Mytnaha sajuza. Taksama adsutničaŭ hienieralny dazvoł Raśsielhasnahlada na ŭvoz u RF ź Biełarusi nasiakomych ź Jehipta.
U vyniku klaščoŭ viarnuli ŭ Biełaruś.
Klaščy-entamafahi — drapiežnyja klaščy, jakija vykarystoŭvajucca ŭ sielskaj haspadarcy dla abarony raślin ad škodnikaŭ.
Čytajcie taksama:
Klaščy zastanucca ŭ Minsku da listapada. Dzie ŭ stalicy možna padčapić hetu zarazu
Vyrasła kolkaść vypadkaŭ chvaroby Łajma paśla ŭkusu klaščoŭ. U jakich rajonach lutujuć klaščy
