«Zabiaśpiečyŭ dostup supracoŭnika milicyi da ekstremisckich materyjałaŭ, tym samym raspaŭsiudziŭ hetu pradukcyju». U Bierazinie čałavieka asudzili z takoj farmuloŭkaj
U sudzie Biarezinskaha rajona 11 vieraśnia asudzili mužčynu pavodle art. 19.11 KaAP (raspaŭsiud ekstremisckich materyjałaŭ). Pavodle materyjałaŭ spravy, u jaho telefonie milicyjanty znajšli aplikacyju «Novosti Biełarusi — Zerkalo.io», piša «Viasna».
Na sudzie čałaviek pryznaŭ vinu i patłumačyŭ, što nabyŭ telefon za miesiac da zatrymańnia z užo ŭstalavanaj aplikacyjaj, ale nie vydaliŭ jaje.
Sud adznačyŭ, što zabaronienuju infarmacyjnuju pradukcyju mužčyna zachoŭvaŭ, maŭlaŭ, mienavita dla raspaŭsiudu, što paćviardžajecca ŭ tym liku tym, što
«jon zabiaśpiečyŭ dostup supracoŭnika milicyi da ekstremisckich materyjałaŭ, tym samym raspaŭsiudziŭ hetu pradukcyju».
Vynikam suda staŭ 15-sutkavy aryšt.
Čytajcie taksama:
U Minsku zatrymali 21-hadovaha ślesara, jaki zrabiŭ fota ŭ milicejskaj formie
Na volu vyjšli palitviaźni Jaŭhien Kalenda i Dźmitryj Adaračkin
