Kramy «Śviatłafor» pieratvarajucca ŭ «Sputniki»
Dyskaŭntary «Śviatłafor» u Biełarusi pačali pieranazyvać. Na niekatorych ź ich užo možna zaŭvažyć šyldu «Sputnik». U kampanii «Lenpraduktcervis» vydańniu Office Life paćvierdzili, što pierajmienavańnie zakranie vialikija kramy — hipiermarkiety. Z čym heta źviazana, nie ŭdakładniajecca.
Fota: tiktok / zatestilvitebsk, tiktok / vladis.1ove
Naprykład, u Minsku «Śviatłafor» užo pierajmienavali ŭ «Sputnik» u TZC Diamond.
Pavodle źviestak z handlovaha rejestra Biełarusi, u krainie kala 200 kram «Śviatłafor». Ich pradstaŭlajuć jurydyčnyja asoby «Lenpraduktservis», «Maspraduktservis», «Viciebskpraduktservis» i «Homielpraduktservis».
Sietka «Śviatłafor» pazicyjanuje siabie jak kramy nizkich cen. U Biełarusi jana źjaviłasia ŭ 2017 hodzie. Na aficyjnym sajcie sietki paznačana, što pieršyja kramy adkrylisia ŭ rasijskich haradach Ačynsk i Krasnajarsk u 2009 hodzie. Siarod krain byłoha SSSR, akramia Biełarusi i Rasii, sietka jość u Kazachstanie.
Sietkaj «Śviatłafor» vałodaje siamja Šnajder z Krasnajarska. U 2021 hodzie jana ŭpieršyniu ŭvajšła ŭ śpis najbahaciejšych biznesmienaŭ Rasii pa viersii Forbes i trapiła ŭ im na 182-je miesca. Bahaćcie hetaj siamji aceńvałasia ŭ 650 młn dalaraŭ. Sa Šnajderami źviazana taksama sietka kram «Majak».
Čytajcie taksama:
Bujnyja handlovyja sietki — fabryka stvareńnia adkidaŭ. I jany ŭparciacca
Pad Minskam narešcie adkryjuć handlovy centr, jaki budavali bolš za 10 hadoŭ
